Fe enillon ni yng Ngwobrau Gŵn Gwyrdd 2024!
Yng nghategori Iechyd, Bwyd a Diod ar y Campws.
Fe wnaeth 133 o brosiectau o 83 o sefydliadau gyrraedd rhestr fer Gwobrau’r Gŵn Gwyrdd eleni!
Dyna pam mae'n anrhydedd i ni fod wedi ennill gwobr yng nghategori Iechyd, Bwyd a Diod ar y Campws ar gyfer ein caffi bwyd llysieuol, Green Shoots.
Fydden ni ddim wedi gallu ei wneud hebddoch chi. Pam? Roedd yr holl welliannau a wnaethon ni i Green Shoots Café yn seiliedig ar adborth gan fyfyrwyr a staff.
Beth wnaethon ni?
Fe wnaethon ni newid ein bwydlenni er gwell
- Gyda 68% o'n cwsmeriaid yn gofyn am opsiynau iach a llysieuol ar y fwydlen, fe wnaethon ni gyflwyno bwydlenni figan a llysieuol yn unig, gan gynnwys bwydydd grawn cyflawn, hadau a chorbys i hyrwyddo bwyta'n iach.
- Fe wnaethon ni greu rhagor o fwyd-i-fynd mewnol, gan ein galluogi i reoli cost, cynhwysion a maeth y bwyd yn well wrth sicrhau blas o ansawdd uchel.
Cyflwyno bwyta cymunedol
- Daeth y Clybiau Swper Misol yn boblogaidd iawn, gyda’n tîm yn gweini dros 700 o brydau bwyd 3 chwrs llysieuol am ddim bob blwyddyn. Mae'r rhain wedi galluogi myfyrwyr i ddod at ei gilydd i fwynhau pryd o fwyd cynaliadwy a blasus wrth fynd i'r afael â chostau byw.
- Wrth siarad am gostau byw, mae 'Bwyd Twym Am Geiniog a Dimai' wedi galluogi myfyrwyr a staff i gael pryd o fwyd poeth, maethlon ac iach bob wythnos trwy gynnig cinio llysieuol am £3 yn unig, a hynny wedi'i weini yn eu cynwysyddion y gellir eu hailddefnyddio.
Blaenoriaethu bwyd lleol a thymhorol
- Diolch i 71% o’r rhai a ymatebodd i’r arolwg, daethy trelar bwyd Fan Hapus â blas o Gymru i’r campws, gan ddathlu bwyd a chynhwysion tymhorol a chefnogi’r gymuned leol.
- Dechreuon ni weithio gyda Castell Howell, sef busnes teuluol sydd wedi tyfu i fod yn brif gyfanwerthwr gwasanaeth bwyd annibynnol Cymru sy’n rhannu’r un gwerthoedd cynaliadwy â ni.
Rydych chi wedi rhoi eich adborth, rydyn ni wedi gwrando - gyda'n gilydd gallwn ni greu newid anhygoel.
