3 rheswm DA pam y dylech chi ddefnyddio KeepCup

Sipian yn gynaliadwy ac arbed arian.

Os ydych chi'n hoffi coffi, mae cael cwpan amldro yn gwbl hanfodol. P'un a oes gennych chi awydd coffi ar y ffordd i'r brifysgol, un bach i gadw chi i fynd ar ôl cyrraedd yno, neu rywbeth i roi ail wynt i chi nes ymlaen, mae cael cwpan amldro yn gwneud bywyd yn llawer haws, ac mae’r rhain ar gael yn unrhyw un o'n caffis.

Dyma dri rheswm da pam y dylech chi ddechrau defnyddio cwpan amldro heddiw:

1. Arbed arian

Ym mhob un o’n caffis, byddwch chi’n arbed bob tro y byddwch chi’n cael diod yn eich cwpan amldro. Os byddwch chi’n anghofio eich cwpan eich hun, gallwch chi gael un y gellir ei gompostio am 35c yn ychwanegol.

Felly, os ydych chi'n cael un coffi bob diwrnod o'r wythnos yn y brifysgol, gallech chi arbed dros £50 yn ystod y flwyddyn academaidd!

Felly, gallwch chi ddefnyddio'r arian ychwanegol i sbwylio eich hun ar ddiwedd pob wythnos neu arbed yr arian.

2. Achub y blaned

Bob blwyddyn yn y DU, rydyn ni’n taflu 2.5 biliwn o gwpanau coffi papur ac yn ailgylchu tua 6% ohonyn nhw yn unig! Mae hyn yn golygu bod biliynau o gwpanau yn mynd i safleoedd tirlenwi, gan greu ôl troed carbon enfawr. Gallwch chi helpu i atal hyn drwy fuddsoddi mewn KeepCup amldro.

Cewch chi weld faint o blastig, CO2 ac ynni y gallwch chi ei arbed drwy ddefnyddio Cyfrifiannell Effaith KeepCup.

3. Mwynhewch y blas

Mae KeepCups yn gwpanau amldro safon barista sydd wedi'u cynllunio i gadw'ch diodydd yn union fel y gwnaethoch chi eu harchebu, boed hynny’n chwilboeth neu'n rhewllyd.

Mae gafael da a chaead atal tasgu arnynt, felly maen nhw'n berffaith ar gyfer bywyd prysur yn y brifysgol.

Sut i fynd i’r arfer o wneud hyn

Cadwch ef wrth law: rhowch eich KeepCup yn eich bag fel ei fod gennych chi bob amser y bydd ei angen arnoch chi.
Rinsio ac ailddefnyddio: rhowch rins cyflym iddo rhwng diodydd i'w gadw'n ffres.
Rhannwch y neges: rhowch wybod i fyfyrwyr eraill a ffrindiau er mwyn iddyn nhw ddechrau arbed arian hefyd!

Felly, y tro nesaf y byddwch yn ein caffis, gofynnwch am KeepCup i ddechrau arbed arian!