Partneriaethau seiberddiogelwch

Mae ein perthynas â sefydliadau allanol - y sector cyhoeddus a phreifat - yn hanfodol i lwyddiant ein gwaith ym maes addysg seiberddiogelwch ac ymchwil.

Rydym yn gweithio'n agos gyda bwrdd Cynghori Seiberddiogelwch sy'n cynnwys cynrychiolwyr o fusnesau bach a chanolig yn ogystal â busnesau mawr byd-eang. Mae'n cynghori'r academyddion ar y sgiliau sydd eu hangen mewn diwydiant a disgwyliadau graddedigion sy'n symud i'r sector.

Ein partneriaid

Jisc

Mae gennym ymgysylltu hirsefydlog â Jisc - sefydliad dielw sy'n darparu gwasanaethau digidol ac atebion ar gyfer sectorau addysg uwch, addysg bellach a sgiliau yn y DU.  Mae Dr Phil Smart, Arbenigwr Technegol Ymddiriedolaeth a Hunaniaeth yn Jisc wedi bod yn rhan o ddylunio a chyflwyno'r modiwl Seiberddiogelwch yn yr Academi Meddalwedd Genedlaethol (NSA). Mae cynnwys arbenigwr o'r diwydiant wrth ddatblygu a chyflwyno'r modiwl yn cyfrannu at y dysgu sy’n cael ei lywio gan ymarfer y mae myfyrwyr NSA yn ei fwynhau. Rydym hefyd yn cynnig cwrs datblygu proffesiynol am Ddiogelwch Gwe-Gymhwysiad sy'n cael ei gyd-gynllunio a'i gyd-gyflwyno â Jisc. Mae arbenigwyr Jisc hefyd yn cyfrannu at weithgareddau ymwybyddiaeth seiberddiogelwch blynyddol ym Mhrifysgol Caerdydd.

CyberSmart

Mae CyberSmart yn fusnesau newydd yn y DU sy'n cynnig gwasanaethau seibr-ddiogelwch fforddiadwy, hygyrch ar gyfer busnesau bach a chanolig. Mae arbenigwyr CyberSmart yn cyfrannu sesiynau gwadd ar gyfer myfyrwyr ôl-raddedig ar seicoleg seiber ac yn cynnig ac yn goruchwylio prosiectau meistr ar y cyd ag aelodau academaidd o staff. Mae CyberSmart hefyd yn cynnig cwestiynau ymchwil sy'n berthnasol i'r diwydiant a pherthnasol fel prosiectau MSc. Yn ddiweddar, buom yn cyd-oruchwylio prosiect sy'n ymchwilio i gymhellion amser ac ymdrech a'u heffaith ar ymddygiadau a gymhwysir at arferion gorau o ran diogelwch. Mae hyn nawr yn cael ei ymestyn fel project ymchwil sydd wedi'i hariannu y tu hwnt i MSc.

Roedd prosiect arall, a gyd-oruchwyliodd gyda CyberSmart, yn canolbwyntio ar ddylunio rhaglenni Ymwybyddiaeth Seiberddiogelwch i fusnesau bach a chanolig yrru newid ymddygiad effeithlon a chadarnhaol. Dadansoddodd y prosiect ymchwil berthnasol, a nodwyd dulliau cadarnhaol ar gyfer newid ymddygiadau yn y maes seiberddiogelwch ac adeiladwyd fframwaith trwy gysylltu â thacsonomeg newid ymddygiad yr olwyn newid ymddygiad. Arweiniodd y prosiect at fframwaith defnyddiol y gallai busnesau bach a chanolig ei fabwysiadu i newid ymddygiad defnyddwyr yn yr arena hon a chynyddu hylendid digidol personol defnyddwyr tra'n cefnogi diwylliant digidol cryfach a gweithrediadau busnes mwy diogel o ganlyniad. Cyflwynwyd a gwerthuswyd y fframwaith gan arbenigwyr yn y diwydiant. Mae goruchwyliaeth CyberSmart nid yn unig yn cynnwys cyngor am wneud y diwydiant ymchwil yn berthnasol, ond yn aml mae'n cynnwys cysylltu â chyfranogwyr arbenigol perthnasol o sefydliadau.

Mae partneriaid eraill yn y maes seibrddiogelwch yn cynnwys:

• Airbus
• PwC
• WCRC
• Uned Seibr-Droseddau Tarian
• CISSec
• CREST

Cysylltu â ni

I gael rhagor o wybodaeth neu os bydd gennych chi ymholiad, cysylltwch â: