Gweithio yma
Ymunwch â’n Hysgol fywiog, deinamig, a arweinir gan ymchwil. Mae ganddi enw da hirsefydlog yn rhyngwladol am weithgareddau ymchwil cymhwysol.
Swyddi gwag
Amdanom ni
Mae'r galw am addysg mewn Cyfrifiadureg yn parhau i dyfu'n gyflym. Ledled y DU, dyma'r pwnc gradd sy'n tyfu gyflymaf ar lefel israddedig a'r pwnc TGAU sy'n tyfu gyflymaf ar hyn o bryd. Rydyn ni wedi ymateb i’r newidiadau hyn yn y farchnad drwy barhau i ehangu niferoedd ein myfyrwyr a staff, gan gyflwyno cyfleoedd cyffrous i dalent newydd gael ymuno â’n tîm.
Mae Prifysgol Caerdydd mewn prifddinas hardd a ffyniannus, a dyma'r sefydliad addysg uwch mwyaf yng Nghymru. Rydyn ni’n cyflogi mwy na 7,000 o staff ledled y Brifysgol, ac mae pob un ohonyn nhw’n chwarae rhan bwysig wrth gyflawni ein gweledigaeth uchelgeisiol ac arloesol.
Wrth weithio yn yr Ysgol Cyfrifiadureg a Gwybodeg, byddwch chi’n cael y cyfle i ffynnu mewn amgylchedd deinamig tra'n mwynhau manteision cystadleuol a chyfleoedd i ddatblygu yn eich gyrfa.
Mae ein llwyddiant yn dibynnu ar ymroddiad, egni a brwdfrydedd y bobl sy'n gweithio gyda ni. Rydyn ni felly wedi ymrwymo i fuddsoddi yn ein staff a’u lles – gan gynnig cyflogau cystadleuol, lwfans gwyliau hael, cyfleoedd gweithio hyblyg, a chyfleusterau rhagorol.
Rydyn ni wedi ymrwymo i gefnogi, datblygu a hyrwyddo cydraddoldeb ac amrywiaeth ym mhob un o’n arferion a’n gweithgareddau. Ein nod yw sefydlu diwylliant cynhwysol sy'n seiliedig ar urddas, cwrteisi a pharch.
Ar hyn o bryd, mae gan Brifysgol Caerdydd ddyfarniad Efydd Athena SWAN, sy’n cydnabod ein gwaith parhaus i fynd i'r afael â bylchau rhwng y rhywiau.
Tystebau staff:
"Pan wnes i gais am MSc Peirianneg Meddalwedd yn yr Academi Meddalwedd Genedlaethol, roeddwn i'n gobeithio dysgu sgiliau peirianneg meddalwedd penodol. Dysgais bopeth yr oeddwn yn gobeithio ei ddysgu yn ogystal â llawer mwy nag yr oeddwn yn ei ddisgwyl, a deuthum yn ddatblygwr pentwr llawn ar ôl y tri mis cyntaf. Rwy'n gwerthfawrogi'r cyfleoedd i ddysgu ac ar gyfer fy ngyrfa mae Prifysgol Caerdydd wedi ei roi imi. Enillais y Wobr Talent Peirianneg yng nghategori Graddedigion Peirianneg y Flwyddyn 2023 a ddarparwyd gan Beirianwyr Cyfartal ac a gymeradwywyd gan yr Academi Beirianneg Frenhinol fawreddog."
"Er gwaethaf gweithio yn y Brifysgol am chwe blynedd, dyma fy rôl gyntaf yng Ngholeg y Gwyddorau Ffisegol a Pheirianneg. Fe wnes i fwynhau fy rôl flaenorol yn fawr, felly roedd yn teimlo fel newid mawr yn symud Colegau a dod i Ysgol newydd. Ond allwn i ddim bod yn hapusach am wneud y newid! Rwy'n teimlo fy mod yn cael fy nghefnogi'n fawr yn fy rôl newydd ac wedi cael cyfleoedd gwych ar gyfer datblygiad personol. Mae'r Ysgol yn mynd trwy gyfnod eithaf sylweddol o dwf, sydd â'i heriau, ond mae hefyd yn teimlo'n gyffrous."
"Rwyf wedi cael fy hun mewn amgylchedd gwaith cadarnhaol. Cefais fy nghefnogi gan gymdeithion addysgu eraill wrth addasu i'r swydd newydd ac rwy'n dal i deimlo fy mod yn cael fy nghefnogi gan fy rheolwr llinell, arweinwyr modiwlau, a'r tîm Cyswllt Addysgu. Mae gen i berthynas waith dda gydag arweinwyr y modiwl rydw i gyda nhw ac rwy'n teimlo'n gyfforddus yn cymryd rhan mewn deialog am farcio, dylunio asesu ac adborth myfyrwyr."
"Mae'n wych cael gweithio mewn Ysgol mor fywiog a chyffrous, a theimlo'n rhan o ddyfodol Cyfrifiadureg a Gwybodeg. Fel cydweithiwr Gwasanaethau Proffesiynol, rwy'n teimlo bod fy natblygiad yn cael ei gefnogi mewn nifer fawr o ffyrdd, ond rwyf wedi mwynhau'n arbennig anogaeth fy rheolwr llinell i fynychu cynadleddau a chyrsiau hyfforddi perthnasol lle byddai o fudd i'm datblygiad proffesiynol ar gyfer y rôl a thuag at fy ngyrfa yn y dyfodol. Rwyf wedi bod yn ddigon ffodus i gywasgu fy oriau i gael pob dydd Gwener arall i ffwrdd o'r gwaith, sydd wedi gwella fy lles meddyliol a'm cydbwysedd bywyd gwaith yn aruthrol."
Manylion cyswllt
I gael rhagor o wybodaeth neu os oes gennych chi ymholiad, cysylltwch â: