Ewch i’r prif gynnwys
Diogelu Cymhleth Cymru

Polisi a chanllawiau ymarfer y Gwasanaethau Ieuenctid

Mae gan bob person ifanc hawl i ddefnyddio’r gwasanaethau ieuenctid.

Strategaeth Gwaith Ieuenctid Cenedlaethol Cymru (2019)

Mae Strategaeth Gwaith Ieuenctid Cymru (2019) yn ategu Deddf Gwasanaethau Cymdeithasol a Llesiant (Cymru) 2014. O dan y Ddeddf, mae gan awdurdodau lleol ddyletswydd i wneud gwaith ataliol a chynnig neu gefnogi darpariaeth gwasanaethau sydd yn gwneud y canlynol:

  • hyrwyddo magwraeth plentyn
  • eu hatal rhag dod i gysylltiad â’r system cyfiawnder troseddol

Yn ôl Strategaeth Gwaith Ieuenctid Cenedlaethol Cymru:

  • dylai gweithwyr ieuenctid fabwysiadu dull gweithredu sy’n seiliedig ar hawliau
  • cynnig amgylcheddau diogel i bobl ifanc
  • cefnogi datblygiad a lles pobl ifanc
  • cynnig darpariaeth gyffredinol wedi’i thargedu
  • gweithio gyda 'sgiliau, adnoddau ac amser' pobl ifanc

Dylai gwasanaethau ieuenctid hefyd:

  • hyrwyddo ac annog cyfleoedd i bob person ifanc
  • helpu i wella eu cyfleoedd mewn bywyd
  • cefnogi pobl ifanc drwy newidiadau sylweddol yn eu bywydau

Gall gwaith ieuenctid ddigwydd mewn amrywiaeth o leoliadau fel ysgolion, y system gyfiawnder ieuenctid neu mewn canolfannau cymunedol. Gall ddigwydd hefyd trwy waith allgymorth, gwaith ar y stryd neu waith symudol. Gall gynnwys gwaith sy’n cael ei dargedu neu rhoi gwybodaeth anffurfiol naill ai un i un neu mewn grwpiau.

Deddf Dysgu a Sgiliau 2000

Dylai gwasanaethau ieuenctid gefnogi pobl ifanc rhwng 11 a 25 oed i gymryd rhan mewn addysg neu hyfforddiant, cael cyflogaeth a chymryd rhan yn eu cymunedau.

Ategir gwaith ieuenctid gan adran 123 o Ddeddf Dysgu a Sgiliau 2000 sy’n nodi y dylai awdurdodau lleol:

  • gynnig gwasanaethau cymorth ieuenctid.
  • sicrhau darpariaeth gwasanaethau cymorth ieuenctid
  • cymryd rhan yn narpariaeth gwasanaethau cymorth ieuenctid

Mae hyn yn cynnwys eu helpu i gael mynediad at wasanaethau, cefnogaeth a phrofiadau yn unol â'u hanghenion. Mae hyn yn cael ei ategu trwy’r canlynol:

  • datblygu perthnasoedd ar sail ymddiriedaeth rhwng pobl ifanc a gweithwyr ieuenctid
  • cefnogi pobl ifanc i gael perthynas dda â'u cyfoedion
  • mynediad i fannau diogel yn eu cymunedau

Nid yw Gweithwyr Ieuenctid wedi'u cyfyngu i leoliad penodol a gallant symud rhwng gwasanaethau statudol, gwasanaethau gwirfoddol neu elusennau. Mae hyn yn golygu bod gweithwyr ieuenctid wedi'u lleoli mewn amrywiaeth o asiantaethau gwahanol, gan gynnwys gwasanaethau statudol ac anstatudol.

Mae Gwasanaethau Ieuenctid Gwirfoddol Cyngor Cymru (CWVYS) yn cynrychioli'r sector gwaith ieuenctid ac yn cefnogi datblygiad strategol a gweithredol eu gwaith yn rhagweithiol.