Gwasanaethau Ieuenctid

Mae gweithwyr ieuenctid, gweithwyr cymorth ieuenctid, a gwirfoddolwyr gwaith ieuenctid o awdurdodau lleol a'r sector gwirfoddol yn chwarae rhan bwysig wrth ddiogelu pobl ifanc.

Mae ymarferwyr gwasanaethau ieuenctid mewn sefyllfa unigryw i gasglu gwybodaeth o'r tu allan i gartref y teulu mewn cymunedau lle mae pobl ifanc yn wynebu'r perygl mwyaf o gamfanteisio troseddol.

Oherwydd natur eu gwaith, mae gweithwyr ieuenctid, gweithwyr cymorth ieuenctid a gwirfoddolwyr gwaith ieuenctid yn aml yn gwybod am risgiau lleol i bobl ifanc, ac maen nhw’n ymwneud â phobl ifanc nad yw ymarferwyr eraill o bosib yn sylwi arnyn nhw. Rhaid eu cynnwys mewn ymatebion amlasiantaethol a rhaid iddyn nhw gyfrannu at wneud penderfyniadau ar lefel unigol a chymunedol.

Canllawiau i ymarferwyr gwasanaethau ieuenctid

I gael rhagor o arweiniad i ymarferwyr gwaith ieuenctid, gan gynnwys yr arwyddion rhybuddio yn achos camfanteisio'n droseddol ar blant, gweler tudalennau 47-51 yn y Pecyn Cymorth i Ymarferwyr.