Gwasanaeth Cyfiawnder Ieuenctid

Mae’r Gwasanaeth Cyfiawnder Ieuenctid yn chwarae rhan ganolog wrth ddiogelu pobl ifanc sy’n cael eu hecsbloetio’n droseddol.

Mae ymarferwyr cyfiawnder ieuenctid yn cefnogi pobl ifanc sy’n dod i gysylltiad â’r heddlu, y rheini sydd mewn perygl o droseddu, a’r rheini sydd wedi’u cyhuddo neu eu dyfarnu’n euog.

At hyn, mae ymarferwyr cyfiawnder ieuenctid yn cefnogi pobl ifanc a allai fod yn anhysbys i wasanaethau a/neu nad ydyn nhw’n bodloni trothwyon diogelu gwasanaethau. Mae hyn yn gosod ymarferwyr cyfiawnder ieuenctid mewn sefyllfa bwysig ar gyfer adnabod pobl ifanc, eu cefnogi, ac atal pobl rhag camfanteisio’n droseddol arnyn nhw.

Mae’n rhaid i ymarferwyr cyfiawnder ieuenctid gael hyfforddiant ynghylch camfanteisio troseddol ar blant, gan gynnwys ffactorau risg ar lefel unigol, rhyngbersonol a chymunedol yn ogystal ag effaith camfanteisio troseddol ar iechyd meddwl a chorfforol y person ifanc.

Canllawiau i'r Gwasanaeth Cyfiawnder Ieuenctid

I gael rhagor o arweiniad i ymarferwyr gofal iechyd, gan gynnwys yr arwyddion rhybuddio yn achos camfanteisio'n droseddol ar blant, gweler tudalennau 67-77 yn y Pecyn Cymorth i Ymarferwyr.