Archwilio pwysigrwydd ‘lle’ ar gyfer cynaliadwyedd yn y dyfodol

Mae'r digwyddiad hwn wedi dod i ben

Archwilio pwysigrwydd ‘lle’ ar gyfer cynaliadwyedd yn y dyfodol.

Mae ystyr ac atgofion i le. Mewn lle y byddwn ni’n rhyngweithio ag eraill ac â’r byd ffisegol a naturiol. Lle sy’n gwireddu’r cysylltiadau cymhleth rhwng amgylchedd, cymdeithas ac economi.

Yn y rhaglen dau ddiwrnod hon o arddangosfeydd a digwyddiadau rhyngweithiol, bydd Sefydliad Ymchwil Mannau Cynaliadwy Prifysgol Caerdydd yn arddangos ymchwil ryngwladol ynghylch creu lleoedd cynaliadwy, ac yn tynnu sylw at enghreifftiau o waith arloesol sy’n digwydd yng Nghymru. Byddwn ni’n edrych ar sut gall deall a pharchu ymdeimlad o le gyflawni cynaliadwyedd sy’n ymgysylltu â phobl ac yn eu cyfoethogi.

Dros ddau ddiwrnod, fe fyddwn yn trafod beth gall ymchwil sy'n seiliedig ar le gyfrannu at lywio polisi gwledig ac amgylcheddol yn y cyfnod wedi Brexit, a hefyd y blaenoriaethau ar gyfer Dinas-ranbarthau, a byddwn yn archwilio sut gall deall a pharchu ymdeimlad o le ddarparu cynaliadwyedd sy’n ymgysylltu â phobl ac yn eu cyfoethogi.

Bydd y digwyddiadau o ddiddordeb i bawb sy’n ymwneud neu’n ymddiddori mewn gwaith seiliedig ar le a/neu ddatblygu cynaliadwy. Mae'r gwaith yn arbennig o berthnasol i ddeall y cyfleoedd a ddarperir yng Nghymru gan Ddeddf yr Amgylchedd (Cymru) 2016 a Deddf Llesiant Cenedlaethau'r Dyfodol (Cymru) 2015.

Gallwch ddewis mynychu sesiynau penodol neu fwynhau’r rhaglenni diwrnod llawn.

Dydd Gwener 9 Tachwedd

10.15 Agor yr arddangosfa: Cyflwyniad i Ymdeimlad o Le. 

Bannau Brycheiniog:

11.00 Ffilm fer a thrafodaeth panel: Lle, hunaniaeth a thwristiaeth

14.00 Sgwrs am yr arddangosfa

15.30 Sgwrs am yr arddangosfa

Trafodaeth

18.00 Trafodaeth panel: rôl lle mewn cynaliadwyedd

Dydd Sadwrn 10 Tachwedd

10.15 Taith dywys o amgylch yr arddangosfa

11.00 Ffilm fer a thrafodaeth panel: Naratifau sy'n seiliedig ar le gan Carvalhal de Vermilhas, Vouzela, Portiwgal

Y Ddinas-ranbarth:

14.00 Sgwrs am yr arddangosfa: Prosiect y Nenlinell

15.30 Sgwrs am yr arddangosfa a mapio cyfranogol

18.00 Trafodaeth panel: Dinas-ranbarth a safbwyntiau sy’n gwrthdaro ynghylch dyfodol gwell