Themâu, Heriau a Chyfleoedd i Ddad-drefedigaethu'r Cwricwlwm Ieithoedd Uwchradd.

Siaradwr: Kerry Bevan - Prifysgol Metropolitan Caerdydd

Crynodeb: Mae gwybodaeth am y pwnc yn allweddol i addysg uwchradd, ac mae addysgwyr sy’n athrawon yn rhoi cyngor i athrawon dan hyfforddiant i drosglwyddo'r wybodaeth hon i ddisgyblion. Er hynny, mae'n hanfodol i drin a thrafod systemau gwybodaeth yn feirniadol, gan gwestiynu'r hyn sy'n cael ei ystyried yn wybodaeth, sut mae'n cael ei chynhyrchu, a phwy sy'n cael ei gwahardd (Dutta, 2018). Mae'r Cwricwlwm newydd i Gymru yn rhoi cyfle i ddad-drefedigaethu addysg, herio’r etifeddiaethau trefedigaethol sy’n tarddu o fraint pobl wyn.

Mae fy ngwaith ymchwil yn ystyried canfyddiadau athrawon ieithoedd tramor modern o ddad-drefedigaethu’r cwricwlwm yn ystod eu hail leoliad addysgu. Mae'r canfyddiadau'n dangos bod newid o ddealltwriaeth ddamcaniaethol i weld gwerth yn naratifau dysgwyr a hunan-fyfyrio. Mae rhwystrau i ddad-drefedigaethu hefyd wedi newid, gan weld myfyrwyr yn ystyried y goblygiadau ehangach dros amser. Wrth ystyried yr heriau hyn drwy brofiadau athrawon dan hyfforddiant, mae wedi ysgogi newidiadau yn y ffordd rwy’n ymarfer, ac yn blaenoriaethu myfyrio a dad-ddysgu er mwyn ailddysgu (le Grange, 2023) i ystyried dad-drefedigaethu yng nghyd-destun addysg gychwynnol athrawon.

Bywgraffiad: Bu Kerry Bevan yn astudio Astudiaethau Ewropeaidd gyda Ffrangeg ac Almaeneg ym Mhrifysgol Caerfaddon cyn cwblhau tystysgrif Ôl-raddedig mewn Addysg (TAR) ieithoedd yng Ngholeg Homerton Caergrawnt ym 1997. Mae ganddi MA mewn Addysg, ac ysgrifennodd ei thraethawd ymchwil ar ganfyddiadau myfyrwyr ieithoedd tramor modern o ddad-drefedigaethu yn y cwricwlwm ieithoedd tramor modern.
Yn ystod ei gyrfa ym maes addysgu mae hi wedi gweithio mewn nifer o swyddi megis Pennaeth Iaith a Phennaeth Almaeneg a Ffrangeg, ac yn Gyfarwyddwr Iaith mewn Coleg Arbenigol yn Llundain
Ymunodd hi â Phrifysgol Metropolitan Caerdydd yn Diwtor Cyswllt yn 2020 ac mae hi wedi bod yn arwain myfyrwyr uwchradd y dystysgrif ôl-raddedig mewn addysg ers 2021. Mae ei diddordebau ymchwil yn cynnwys dad-drefedigaethu'r cwricwlwm ieithoedd uwchradd, mentora a defnyddio llenyddiaeth i ymgysylltu ac i ysgogi addysgu a dysgu ieithoedd.