Cynhadledd Clerciaeth Integredig Hydredol (CIH) 2025

Aildrefnwyd y digwyddiad hwn
Aildrefnwyd y digwyddiad hyd Dydd Iau 4 Medi 2025, 18:00- Dydd Sul 7 Medi 2025, 12:30

Bydd y cyfarfod byd-eang hwn yn gatalydd ar gyfer trafod yr heriau sy'n wynebu sefydliadau addysg uwch mewn byd sy'n fwyfwy ansicr, trwy rannu arfer gorau, harneisio doethineb ar y cyd ,a gwneud y mwyaf o gyfleoedd i hyrwyddo'r drafodaeth.

Bydd CLIC 2025 yn cael ei gynnal drwy bartneriaeth rhwng tair prifysgol (Prifysgol Caerdydd, Prifysgol Abertawe a Phrifysgol Bangor), a gynhelir am y tro cyntaf yn Ewrop, yng Nghymru o fewn y Deyrnas Unedig  ar gampws Canol Dinas Prifysgol Caerdydd.

Thema'r gynhadledd yw:

"Mewn undod mae nerth / Strength in Unity"

Gwireddu cryfder a thrawsnewid addysg feddygol sy'n ymgysylltu â'r gymuned drwy gydweithio a rhyngddisgyblaeth.

Yn yr hinsawdd bresennol o raniadau a heriau, mae'r gynhadledd hon yn tynnu ar y syniad o 'gryfder mewn undod' ac yn ystyried ein rôl fel Sefydliadau Addysg Uwch wrth ymateb i anghenion cymdeithasol trwy genhadaeth ddinesig a sut y gallwn gael effaith gymdeithasol bellach ar lefelau lleol, cenedlaethol a rhyngwladol trwy ymgysylltu / cynnwys cymunedol.

Mae rôl cymuned wrth wraidd CLIC, a thrwy'r gynhadledd byddwn yn ceisio cadarnhau ac ysgogi egwyddorion ac arferion CLIC a CIH. Pan fyddwn yn cysyniadu cymuned o gyd-destun Cymru, rydym yn gwneud hynny fel uned/grŵp cymdeithasol o bobl sydd â nodweddion, gwerthoedd a rennir, ymddygiadau ac arteffactau cymdeithasol arwyddocaol a rennir.

Mae darparu addysg feddygol yn wynebu heriau ledled y byd. Yng Nghymru, rydym wedi mynd i'r afael â'r heriau hyn drwy weithio mewn partneriaeth.

Gan dynnu ar sefydlu cysyniadol unigryw, ond trosglwyddadwy system Gofal Iechyd Cymru, bydd y gynhadledd yn ceisio archwilio'r manteision a'r heriau sy'n gysylltiedig â hyn. Byddwn yn rhannu ein dysgu o gydweithredu a'r potensial i drosglwyddo gwybodaeth.

Bydd cynrychiolwyr yn cael cyfle i gymharu â'u systemau eu hunain tra'n rhoi cyfle i archwilio eu syniadau eu hunain a'u cymhwyso yn eu cyd-destun lleol.

Bydd ein cynhadledd CLIC2025 yn cynnwys nifer o haenau, trafodaethau grŵp bach, dadleuon, posteri, gweithdai, a Chynhadledd ar daith.

Bydd cofrestru ar agor yn fuan.

I gofrestru eich diddordeb, am fwy o wybodaeth/cwestiynau am y gynhadledd CLIC2025, anfonwch e-bost at Gadeirydd y gynhadledd:

Yr Athro Katie Webb: WebbKL1@cardiff.ac.uk

Gallwch hefyd archebu eich llety ar gyfer y gynhadledd.