Cefnogi plant ag anghenion dysgu ychwanegol yn yr ysgol trwy ddata cenedlaethol

Mae'r digwyddiad hwn wedi dod i ben

Mae ymchwil a gynhaliwyd gan Sefydliad Ymchwil Cymdeithasol ac Economaidd Cymru yn defnyddio data gweinyddol i ateb cwestiynau am addysg i blant ag anghenion dysgu ychwanegol (ADY). 

Mae’r sgwrs hon, sydd ar agor i weithwyr proffesiynol addysg sy’n cefnogi plant ag anghenion dysgu ychwanegol yn ysgolion cynradd, yn rhoi cyflwyniad i ddata gweinyddol: beth yw e, sut mae’n cael ei gasglu, a sut mae’n cael ei storio yn ddiogel.  

Bydd ymchwilwyr yn rhannu enghreifftiau o astudiaethau a gynhaliwyd gyda’r data hwn, a sut maent wedi dylanwadu ar bolisi i wella profiad ysgol plant ag ADY yng Nghymru.

Yn dilyn y sgwrs, bydd cyfranogwyr yn cael eu hannog i rannu eu barn ar bynciau o flaenoriaeth ar gyfer ymchwil ADY, trwy awgrymu cwestiynau ymchwil y gellid eu gofyn gyda'r data. Bydd y mewnwelediadau dienw hyn yn helpu Prifysgol Caerdydd i bennu blaenoriaethau ymchwil ar gyfer y dyfodol a fydd yn gwneud gwahaniaeth cadarnhaol i gymunedau.

Mae’r digwyddiad hwn yn rhan o raglen ddigwyddiadau am ddim Prifysgol Caerdydd, yn rhan o Ŵyl y Gwyddorau Cymdeithasol, a ariennir gan y Cyngor Ymchwil Economaidd a Chymdeithasol sydd yn rhan o Ymchwil ac Arloesedd y DU (UKRI).

Digwyddiadau yn y gyfres hon

Festival of Social Science

• Gweld pob digwyddiad yn y gyfres hon