Y byd academaidd a byd diwydiant yn dod at ei gilydd: Meithrin ffyrdd o arloesi

Mae'r digwyddiad hwn wedi dod i ben

MediWales ac Ysgol Meddygaeth Prifysgol Caerdydd - Digwyddiad Ymgysylltu â Byd Diwydiant y Tîm Arloesi

Gall y byd academaidd a byd diwydiant gynnig safbwyntiau, cyfleoedd a sgiliau unigryw i’w gilydd. Weithiau, bydd cyfuno arbenigedd gwyddonol a masnachol yn cyflymu’r broses o ddatblygu cynnyrch, effeithlonrwydd byd diwydiant ac atebion newydd. Ond sut y mae partneriaethau rhwng y byd academaidd a byd diwydiant yn dechrau, yn datblygu ac yn llwyddo?

Amcan y digwyddiad yw chwalu’r hud ynglŷn â’r cymhlethdodau ynghlwm wrth gydweithio rhwng byd diwydiant a’r byd academaidd.

Gan ddefnyddio prif siaradwyr a thrafodaeth banel, byddwn ni’n cyflwyno prosiectau cydweithio llwyddiannus, yn tynnu sylw at y canlyniadau go iawn ac yn eich cyfeirio at ffyrdd o gydweithio.

Bydd y rhai sy’n bresennol yn cael y cyfle i rwydweithio â phobl eraill a rhannu eu brwdfrydedd dros arloesi ac Ymchwil a Datblygu ym maes technoleg feddygol, biodechnoleg a gofal iechyd.

• Dyddiad: Dydd Mawrth 4 Mehefin
• Lleoliad: Medicentre Caerdydd, Parc y Mynydd Bychan, Caerdydd, CF14 4UJ

Agenda sylfaenol:

• 09:30 am Te a choffi wrth gyrraedd a’r cyfle i rwydweithio
• 10:00 am Croeso
• 10:10 am Prif siaradwyr
• 11:00 am Egwyl
• 11:15 am Trafodaeth banel yng ngofal MediWales
• 12:00 pm Cinio a rhwydweithio
• 14:00 pm Gorffen

Ymunwch â ni ym Medicentre Caerdydd wrth inni:

• Gyflwyno enghreifftiau llwyddiannus o brosiectau cydweithio rhwng y byd academaidd a byd diwydiant
• Eich cyfeirio at ffyrdd o feithrin perthynas gadarn o gydweithio rhwng y ddau sector
• Trafod y dulliau cywir (ac anghywir) i ddatblygu perthynas gadarn o gydweithio
• Eich annog i rwydweithio a gwneud cysylltiadau newydd

Yn y digwyddiad hwn bydd cyflwyniadau gan y prif siaradwyr, trafodaeth banel yng ngofal MediWales, cinio a rhwydweithio.

Cofrestrwch yma