Seminar Ymchwil - Theori ac Esbodiau yn Dearyddiaeth

Mae'r digwyddiad hwn wedi dod i ben

Henry Yeung, Athro Nodedig
Adran Daearyddiaeth, Prifysgol Genedlaethol Singapore

Mae Theory and Explanation in Geography yn seiliedig ar ddarllen nifer fawr o ddulliau beirniadol ym maes daearyddiaeth ddynol a’u cysyniadau amrywiol o ddamcaniaeth. Mae’n cyfeirio at y dadleuon diweddaraf ar y dulliau sy'n seiliedig ar fecanwaith o ymdrin â damcaniaeth ac eglurhad ym meysydd cymdeithaseg ddadansoddol, gwyddoniaeth wleidyddol ac athroniaeth y gwyddorau cymdeithasol i lywio barn ddaearyddol nawr ac yn y dyfodol ar ddamcaniaeth.

Mae’r gwaith cysyniadol hwn yn cynrychioli estyniad i waith yr awdur ar ddaearyddiaeth berthynol, realaeth feirniadol ac eglurhad achosol, methodoleg sy’n seiliedig ar brosesau, globaleiddio a damcaniaeth rhwydweithiau cynhyrchu byd-eang, ynghyd â “damcaniaethu’n ôl” a gwybodaeth sy’n benodol i sefyllfa, sy’n cael ei ddyfynnu’n helaeth ac sydd wedi’i gyhoeddi mewn cyfnodolion blaenllaw ym maes daearyddiaeth.

Mae hefyd yn datblygu gwaith yr awdur ar y pynciau hyn ymhellach. Mae i’r gwaith sawl pennod sy'n nodi ym mha ffyrdd newydd y gall daearyddiaeth ymgysylltu â’r gwyddorau cymdeithasol ehangach ar hyn o bryd. Mae hefyd yn nodi agendâu ymchwil perthnasol ym maes meddwl daearyddol. Mae’r prif benodau’n rhoi’r pecynnau cymorth cysyniadol sydd eu hangen ar gyfer ysgogi rhaglen ymchwil sy’n ehangu yn y 2020au a thu hwnt. O'i gymharu â thestunau nodweddiadol ar feddwl daearyddol, mae'r llyfr hwn yn llai ôl-syllol a hanesyddol ac yn fwy disgwyliedig ei natur.

Mae’r gwaith yn esbonio pam a sut y gellir datblygu damcaniaethau eglurhaol canolig yn well gan ddefnyddio mecanweithiau achosol a dulliau meddwl perthynol sydd wedi’u hadfywio ym maes y gwyddorau cymdeithasol. Dylai academyddion, daearyddwyr ac ysgolheigion sy'n chwilio am bersbectif unigryw ar agwedd bwysig ar y maes ddarllen Theory and Explanation in Geography.