ESRC Gwyl Gwyddorau Cymdeithasol, Dychmygu dyfodol mwy disglair i ofal cymdeithasol yng Nghymru: beth yw rôl arloesedd?

Mae'r digwyddiad hwn wedi dod i ben

Beth sy’n cael ei gynnig?

Bydd y sesiwn dwy awr hon yn weithdy rhyngweithiol wyneb yn wyneb i archwilio barn pobl mewn gofal cymdeithasol a'u gweledigaeth ar gyfer dyfodol gofal cymdeithasol. Mae’r digwyddiad hwn yn archwilio canfyddiadau prosiect ymchwil, a gynhelir ar y cyd gan Y Lab ym Mhrifysgol Caerdydd a’r Tîm Canlyniadau Pŵer Pobl yn Nesta. Edrychodd y prosiect ar gefnogaeth ar gyfer arloesedd ym maes gofal cymdeithasol.

Yn ystod y sesiwn byddwn yn: trafod canfyddiadau’r ymchwil yn fras, edrych ar rai o’r allbynnau gweledol a gynhyrchwyd gan yr ymchwil, rhyngweithio â straeon a safbwyntiau pobl am yr hyn y mae angen ei newid, a mireinio’r 10 Gweledigaeth ar gyfer Dyfodol Gofal Cymdeithasol yng Nghymru y mae ein cyfranogwyr ymchwil wedi ein hysbrydoli i’w chreu. 

Am beth mae'r digwyddiad?

Rydym yn gwybod nad yw ein systemau gofal cymdeithasol yn gweithio, ond beth allwn ni ei wneud i newid hynny a chreu Cymru iachach? Os ydych chi'n angerddol am ofal cymdeithasol - dewch i rannu, rhwydweithio a chyfnewid, a dweud eich dweud am yr hyn a ddylai ac a allai ddigwydd. Mae croeso i bawb - yn enwedig y rhai nad ydynt yn gwybod beth yw ystyr y gair 'arloesedd'. Mae’r digwyddiad hwn wedi’i dargedu at bobl sy’n gwneud gwaith ynghylch gofal cymdeithasol neu’n gweithio ynddo, y rhai sydd â phrofiad bywyd yn ein system gofal cymdeithasol, a’r teuluoedd (neu rwydweithiau cymorth) sy’n ei ddefnyddio. 

Pwy sy'n arwain y digwyddiad?

Alexis Palá, Cydymaith Ymchwil yn Y Lab ym Mhrifysgol Caerdydd

Stephanie Griffith, Rheolwr Arloesedd yn sefydliad Gofal Cymdeithasol Cymru

I bwy mae'r digwyddiad?

Mae'r digwyddiad hwn yn agored i oedolion a defnyddwyr gwasanaethau gofal cymdeithasol. 

Digwyddiadau yn y gyfres hon

ESRC Festival of Social Science

• Gweld pob digwyddiad yn y gyfres hon