Picking Your Battles: Exhibiting the Falklands/Malvinas War in Military Museums

Mae'r digwyddiad hwn wedi dod i ben

Gweminar gyda'r siaradwr gwadd Dr Peter Johnston (Amgueddfa'r Llu Awyr Brenhinol) sy'n cael ei redeg gan thema ymchwil Hanes a Threftadaeth yn yr Ysgol Ieithoedd Modern. Mae’r digwyddiad hwn yn rhan o’r gynhadledd rithwir ryngwladol ar achlysur 40 mlynedd ers Rhyfel y Malvinas/Y Falklands ‘(Ail)feddwl y Falklands: Visions and Versions in Archentian and British Cultures’.

Crynodeb
Mae digwyddiadau 1982 yn parhau i fwrw cysgod hir, ac er bod cydnabyddiaeth gyhoeddus yn amrywio, un man lle mae'r gwrthdaro yn parhau yw yn amgueddfeydd milwrol y DU. Mae amgueddfeydd yn gorwedd yn y man rhwng mythau, gwirioneddau a chymhlethdodau - ond rhaid iddynt ymgysylltu â'r tri er mwyn gallu dadansoddi a thrafod rhyfel a gwrthdaro'n effeithiol. Bydd y papur hwn yn datgelu sut mae amgueddfeydd milwrol wedi cyflwyno Rhyfel y Falklands, a sut mae cynulleidfaoedd wedi ymateb. Ond mae parhau i arddangos y gwrthdaro'n codi llawer o heriau i amgueddfeydd milwrol. Ceir heriau o ran gofod, adnoddau a pherthnasedd. Ceir problemau hefyd i amgueddfeydd o ran cynulleidfaoedd, a natur yr arddangosion eu hunain. Er mis Mehefin 1982 cafwyd tensiynau a dadleuon yn hanes y rhyfel, a does dim golwg bod y rhain yn lleihau. Mae'r heriau hyn i naratif y DU yn ymestyn i arddangosfeydd amgueddfa, a chaiff y tensiwn hwn ei archwilio. A hithau'n 40 mlynedd yn 2022 ers y gwrthdaro, bydd y sgwrs hon yn dadansoddi sut y caiff hyn ei nodi mewn amgueddfeydd milwrol, a sut mae'n gatalydd ar gyfer arddangosion, caffaeliadau neu ymgysylltu â'r cyhoedd o’r newydd. Bydd yn dangos nad yw cyflwyno Rhyfel y Falklands/Malvinas yn rhywbeth sefydlog, ond ei fod yn esblygu'n barhaus, yn ddeinamig ac yn heriol.

Bywgraffiad
Mae Dr Peter Johnston yn hanesydd milwrol ac yn weithiwr amgueddfa proffesiynol. Ar hyn o bryd mae'n Bennaeth Casgliadau ac Ymchwil yn Amgueddfa'r Awyrlu Brenhinol. Astudiodd ei raddau Israddedig a Meistr ym Mhrifysgol Durham a chwblhaodd ei PhD ym Mhrifysgol Caint, gan ganolbwyntio ar recriwtio, diwylliant a phrofiad o wrthdaro yn Lluoedd Arfog Prydain wrth ryfela yn y Falklands. Mae Dr Johnston wedi gweithredu fel arbenigwr ac academydd cysylltiedig ar deithiau maes y gad o Fflandrys i'r Falklands, yn ogystal ag ymddangos ar draws sianeli cyfryngol.

Trefn y Digwyddiad & recordio
Bydd  y digwyddiad yn cael ei gynnal ar-lein fel gweminar Zoom a byddwn yn recordio’r gweminar er mwyn ei gyhoeddi ar ôl y digwyddiad.

Cyfieithu ar y pryd
Bydd y digwyddiad hwn yn cael ei gynnal drwy gyfrwng y Saesneg. Mae croeso i chi ofyn cwestiynau yn Gymraeg yn ystod y sesiwn holi ac ateb. Os ydych yn bwriadu gwneud hyn, cysylltwch â mlang-events@caerdydd.ac.uk erbyn dydd Mercher 9 Mawrth i wneud ymofyniad cyfieithu ar y pryd. Nodwch fod 10% neu mwy o’r rhai sy’n bwriadu dod yn angen i ofyn am y ddarpariaeth hon er mwyn iddo gael ei ffynonellau i fod yn bresennol a bydd yn amodol ar argaeledd adnoddau.

Cofrestru
Pan fyddwch yn clicio ar y botwm ‘cofrestru' ar ochr chwith y dudalen hon, cewch eich tywys i dudalen gofrestru ar gyfer y gynhadledd rithwir ryngwladol ar 6-8 Ebrill, (Ail)feddwl y Falklands: Visions and Versions in Archentian and British Cultures'. Byddwch felly yn derbyn y manylion llawn y gynhadledd fodd bynnag, gallwch ymuno ar gyfer y sgwrs hon un unig ar ddydd Iau 7 Ebrill. Nid oes unrhyw rwymedigaeth i fynychu'r gynhadledd lawn os nad ydych yn dymuno. Y dyddiad cau ar gyfer cofrestru yw 14:00 (BST) ddydd Mawrth 5 Ebrill 2022.

Hysbysiad Diogelu Data
Pan fyddwch yn cofrestru, cedwir eich data yn unol â’n Hysbysiad Diogelu Data. Byddwn yn prosesu’r data personol a ddarparwyd gennych yn unol â rheoliadau diogelu data.