Sgwrs gyda Jenny Nelson, Jesús Sanjurjo a Charlotte Hammond: Ymchwil newydd ar y fasnach gaethweision drawsiwerydd, caethwasiaeth drefedigaethol, a'i chymynroddion

Mae'r digwyddiad hwn wedi dod i ben

Sgwrs rithwir gyda Dr Jenny Nelson (Prifysgol Caerdydd), Dr Jesús Sanjurjo (Prifysgol Caerdydd), Dr Charlotte Hammond (Prifysgol Caerdydd) ar thema ymchwil Hanes a Threftadaeth yn yr Ysgol Ieithoedd Modern.

Bydd y sgwrs anffurfiol hon rhwng Jenny Nelson (Darlithydd mewn Portiwgaleg ac Astudiaethau Lusoffon), Jesús Sanjurjo (Darlithydd mewn Astudiaethau Sbaenaidd ac America Ladin) a Charlotte Hammond (Darlithydd mewn Astudiaethau Ffrengig) yn fforwm i drafod ymchwil a chyhoeddiadau diweddar ar y fasnach gaethweision drawsiwerydd, caethwasiaeth drefedigaethol a'i chymynroddion.

Byddant yn myfyrio ar sut mae eu hymchwil wedi llywio modiwl israddedig newydd y maent yn ei ddysgu eleni sy'n mynd i'r afael â chaethwasiaeth a diddymiad o safbwynt trawswladol cymharol. Byddant hefyd yn trafod cynlluniau ar gyfer y rhwydwaith rhyngwladol ar gyfer celfyddydau a threftadaeth gwrthgaethwasiaeth newydd a sefydlwyd yn yr Ysgol yn gynnar yn 2020.

Siaradwyr

Mae Dr Jenny Nelson yn Ddarlithydd mewn Portiwgaleg ac Astudiaethau Lusoffon ym Mhrifysgol Caerdydd. Mae hi'n gweithio ar yr astudiaeth gymharol o gaethwasiaeth yn America Ladin a'r Caribî. Mae ei hymchwil hefyd yn cwmpasu hanesion ehangach yr Iwerydd a chyfraniad Prydain mewn gweithgareddau gwrth-gaethwasiaeth, yn bennaf ym Mrasil a Cuba.

Mae Dr Jesús Sanjurjo yn Ddarlithydd mewn Astudiaethau Sbaenaidd ac America Ladin yn rhan o gynllun newydd blaenllaw Prifysgol Caerdydd, Darlithwyr Disglair. Mae'n arbenigo yn hanes caethwasiaeth a'r fasnach gaethweision yn y Caribî Sbaenaidd a chysylltiadau diplomyddol a diwylliannol Eingl-Sbaenaidd yn ystod y bedwaredd ganrif ar bymtheg. Ar hyn o bryd mae'n cyd-gyfarwyddo'r rhwydwaith Ymchwil 'Blood & Radical Politics' gyda'r bardd a'r artist cysyniadol RJ Arkhipov.

Mae Dr Charlotte Hammond yn Ddarlithydd mewn Astudiaethau Ffrengig ym Mhrifysgol Caerdydd. Mae ei llyfr cyntaf Entangled Otherness: Cross-Gender Fabrications in the Francophone Caribbean, a gyhoeddwyd gyda Gwasg Prifysgol Lerpwl yn 2018, yn archwilio dynameg traws-wisgo a pherfformiad rhywedd mewn diwylliannau cyfoes Ffrengig Caribïaidd. Ar hyn o bryd mae hi'n gweithio ar brosiect a ariennir gan Leverhulme sy'n archwilio sut mae menywod sy’n creu dillad a thecstilau yn Haiti a'r Weriniaeth Ddominica yn gwrthsefyll strwythurau economaidd byd-eang ac amodau llafur ecsbloetiol trwy’r celfyddydau a sefydliad gymunedol.

Cyfieithu ar y pryd

Bydd y digwyddiad hwn yn cael ei gynnal drwy gyfrwng y Saesneg. Mae croeso i chi ofyn cwestiynau yn Gymraeg yn ystod y sesiwn holi ac ateb. Os ydych yn bwriadu gwneud hyn, cysylltwch â mlang-events@caerdydd.ac.uk erbyn dydd Mercher 28 Hydref i wneud ymofyniad cyfieithu ar y pryd. Nodwch fod 10% neu mwy o’r rhai sy’n bwriadu dod yn angen i ofyn am y ddarpariaeth hon er mwyn iddo gael ei ffynonellau i fod yn bresennol a bydd yn amodol ar argaeledd adnoddau.

Cofrestru

Mae'n ddrwg gennym nad yw'r dudalen gofrestru gyfan ar gael yn Gymraeg. Yn anffodus nid yw'r platfform yr ydym yn ei ddefnyddio'n cynnig y gwasanaeth hwn.

Cofnodi Digwyddiad

Sylwch y bydd y digwyddiad hwn yn cael ei recordio. Bydd y recordiad ar gael ar sianel YouTube yr Ysgol.