Astudiaethau ôl-raddedig
Mae ein cyrsiau ôl-raddedig ar gael yn Gymraeg neu fel cyrsiau dwyieithog.
Dyma gyfle i wella eich dealltwriaeth o'r pwnc a meithrin sgiliau a fydd o fudd i'ch gyrfa.
Doethuriaethau
Mae'n bosibl astudio gradd doethur yn y Gymraeg neu'n ddwyieithog ym mron pob pwnc.
Mae'r Coleg Cymraeg Cenedlaethol yn rhoi cyllid i fyfyrwyr i ddilyn PhD drwy'r cynllun Ysgoloriaeth Ymchwil. Maen nhw hefyd yn cynnig cefnogaeth a hyfforddiant o safon uchel i ymchwilwyr newydd.
Os hoffech wneud ymchwil a dod yn arbenigwr yn eich maes, gallwch gael rhagor o wybodaeth am Ysgoloriaethau Ymchwil a gynigir gan y Coleg yma:
Addysg Gychwynnol Athrawon
Rydyn ni'n darparu cyfleoedd ar gyfer hyfforddiant athrawon drwy'r cwrs ôl-raddedig blwyddyn, y Dystysgrif Addysg Ôl-raddedig (TAR).
Rydyn ni hefyd yn cynnig y cwrs hwn yn rhan-amser, neu tra byddwch yn gweithio, dros ddwy flynedd.
I gael rhagor o wybodaeth am y rhaglen hyfforddi athrawon a'r amrywiaeth o grantiau, cynlluniau a chyrsiau sydd ar gael, ewch i brif wefan y Coleg Cymraeg Cenedlaethol:
Dysgu'r Dyfodol
Mae Dysgu'r Dyfodol yn cynnig sesiynau mentora a phrofiad gwaith gwerthfawr i fyfyrwyr sydd â diddordeb mewn bod yn athrawon ysgol (ym mhob pwnc ac eithrio BA Addysg).
Mae'r cynllun yn agored i fyfyrwyr o unrhyw bwnc gradd ac ar unrhyw gam o'u gradd (Blwyddyn 1, 2, 3, neu ôl-raddedig). Bydd cyfranogwyr sy'n cwblhau'r cynllun yn derbyn £100.
Mae myfyrwyr yn cael eu paru â mentoriaid ar gyfer tri sesiwn ar-lein un i un yn ystod tymor yr haf. Yn ogystal, caiff cyfranogwyr gyfle i gael dau ddiwrnod o brofiad gwaith mewn ysgol naill ai ym mis Mehefin neu fis Gorffennaf.
Bydd y mentoriaid yn athrawon ar ddechrau eu gyrfa yng Nghymru sydd wedi cwblhau eu blwyddyn gynefino (NQT).
Darganfod mwy
Visit Research Scholarship Individuals to learn more about the experiences of those who have pursued Welsh-medium postgraduate studies thanks to scholarships from the Coleg Cymraeg Cenedlaethol.
Cysylltwch ag Elliw Iwan, Swyddog Cangen Caerdydd os oes gennych unrhyw gwestiynau.
