Y broses enwebu a dethol ar gyfer Gwobrau Chris McGuigan mewn Darganfod Cyffuriau
![People in a meeting](https://cardiff.imgix.net/__data/assets/image/0004/32386/people-in-meeting.jpg?w=575&ar=16:9&q=80&auto=format)
Gwybodaeth am y broses enwebu a dethol ar gyfer Gwobrau Chris McGuigan mewn Darganfod Cyffuriau.
Y broses enwebu
Dylai academydd o Goleg y Gwyddorau Biofeddygol a Gwyddorau Bywyd Prifysgol Caerdydd gyflwyno enwebiadau i'r Panel Dethol.
Mae'n rhaid i bob enwebiad ddod gyda datganiad cefnogol sydd ar gael ar gais trwy e-bost at mcguiganaward@cardiff.ac.uk.
Dyddiadau cau
Y dyddiadau cau ar gyfer enwebiadau yw 17:00 ar:
- ddydd Gwener 30 Hydref 2020
- dydd Llun 31 Hydref 2022
- dydd Iau 31 Hydref 2024
- dydd Gwener 30 Hydref 2026
Bydd enwebiadau a dderbynnir cyn pob dyddiad cau yn cael eu hystyried gan y Panel Dethol a bydd enillwyr gwobrau llwyddiannus yn cael eu hysbysu ar ôl i'r cofnodion gael eu cymeradwyo gan y Cadeirydd.
Bydd y Panel Dethol yn dewis enillwyr gwobrau erbyn diwrnod gwaith olaf mis Tachwedd yn 2020, 2022, 2024 a 2026.
Y broses ddethol
Bydd enwebiadau'n cael eu hadolygu a bydd argymhelliad enillwyr y gwobrau yn cael ei benderfynu gan Banel Dethol sy'n cynnwys:
- Pennaeth yr Ysgol Fferylliaeth a Gwyddorau Fferyllol (Cadeirydd)
- Dirprwy Is-Ganghellor Coleg y Gwyddorau Biofeddygol a Bywyd neu enwebai
- Deon Ymchwil ar gyfer Coleg y Gwyddorau Biofeddygol a Bywyd neu enwebai
- cynrychiolydd gyda statws priodol o'r sector fferyllol preifat;
- academydd cyfetholedig (y tu allan i Brifysgol Caerdydd) o statws priodol yn y maes.
Bydd cynrychiolydd y diwydiant a'r academydd cyfetholedig yn cael ei wahodd gan y Cadeirydd i ymuno â'r Panel Dewis am flwyddyn a chaiff ei ddewis gan aelodau panel Prifysgol Caerdydd uchod. Gellir gwahodd unigolion i ymuno â'r Panel Dewis fwy nag unwaith.
Amodau'r dyfarniad
Rhaid i enillwyr newydd gytuno i fynychu Symposiwm Chris McGuigan a fydd yn cael ei gynnal ym Mhrifysgol Caerdydd ar ddyddiad i'w gytuno ym mis Medi 2021, 2023, 2025 a 2027.
Rhaid i enillwyr Gwobr McGuigan am Waith Nodedig mewn Darganfod Cyffuriau gytuno i roi darlith am eu gwaith neu eu hymchwil ar noson y Symposiwm.
Rhaid i bob enillydd gytuno i fynychu cinio preifat yn dilyn darlith gyda'r nos y Symposiwm. Gwahoddir dau gynrychiolydd o deulu'r diweddar Athro McGuigan hefyd i fynychu'r cinio.
Rhaid derbyn cadarnhad presenoldeb holl enillwyr y gwobrau erbyn 17:00 fan bellaf ar ddiwrnod gwaith olaf mis Mawrth yn 2021, 2023, 2025 a 2027.
Os na all unrhyw enillwyr gyflawni'r amodau, bydd y Panel Dethol yn cynnig y wobr i'r enwebai oedd yn ail ddewis.
Teithio a llety
Dyrannwyd cyllideb teithio a llety i alluogi enillwyr gwobrau Seren Newydd a Gwaith Nodedig mewn Darganfod Cyffuriau i deithio i Gaerdydd ar gyfer Symposiwm Chris McGuigan.
Gwahoddir enillwyr y gwobrau Seren Newydd a Gwaith Nodedig mewn Darganfod Cyffuriau i gyflwyno ffurflen hawlio treuliau a derbynebau gwreiddiol i'w had-dalu hyd at werth y gyllideb deithio a ddyrannwyd i'r dyfarniad hwnnw ym mhob blwyddyn. Os na all enillydd dalu costau teithio ymlaen llaw, dylent gysylltu â'r Cadeirydd i ofyn i Brifysgol Caerdydd archebu teithio a llety ar eu rhan.
Cysylltwch
I gael mwy o wybodaeth am Wobrau Chris McGuigan, y broses enwebu neu delerau ac amodau, cysylltwch â ni.