Treialon Cymru

Mae Treialon Cymru yn cynnig cyfleoedd ar draws Cymru gyfan i bobl gymryd rhan mewn treialon.

Dyma gangen ymgysylltu â rhanddeiliaid Canolfan Cynnwys y Cyhoedd ac Ymgysylltu, a gynlluniwyd i hwyluso datblygu ymchwil a chydweithio, gan feithrin capasiti a gallu ymchwil ledled Cymru.

Elfennau Allweddol Treialon Cymru

Rhaglen Ymgysylltu â Rhanddeiliaid sy’n cynnig portffolio o ddigwyddiadau yn ogystal â chanolbwyntio ar ymchwil, gan ymgysylltu â’r ymarferydd iechyd a gofal a’r gymuned ymchwil: Mae'r digwyddiadau'n ymdrin ag ystod eang o bynciau i apelio at sbectrwm eang o bobl, o'r ymarferydd sydd â diddordeb mewn ymchwil i'r Prif Ymchwilydd profiadol.

Rhaglen Aelodau Cyswllt ar gyfer unigolion, mae Treialon Cymru hefyd yn cynnig y rhaglen aelodau cyswllt, gan gynnig mentora ymchwil un-i-un i bobl sy'n gweithio yng Nghymru sydd am ddatblygu eu dealltwriaeth o waith Uned Treialon Clinigol a gwella eu gwybodaeth ymchwil a'u sgiliau ymchwil treialon eu hunain.

Gweithgareddau

• dau gyflwyniad y flwyddyn ar gyfer treialon ar raddfa fawr mewn ardaloedd o flaenoriaeth uchel i Gymru i NIHR a/neu UKRI
• dwy garfan y flwyddyn o aelodau cyswllt (yn dechrau ar wyth fesul carfan ym mlwyddyn un)
• digwyddiadau rhithwir misol ynghylch agweddau ar dreialon a phedwar digwyddiad rhanbarthol wyneb y wyneb y flwyddyn