Amdanom ni
Ein cenhadaeth yw gwella iechyd a lles Cymru a’r byd drwy ragoriaeth gydnabyddedig mewn treialon a phrosiectau ymchwil eraill a gynlluniwyd yn dda.
Pwy ydym ni
Y Ganolfan ar gyfer Treialon Ymchwil ym Mhrifysgol Caerdydd yw’r grwˆp mwyaf o staff treialon clinigol academaidd yng Nghymru. Mae’r ganolfan yn mynd i’r afael â’r clefydau mawr, a phryderon iechyd ein cyfnod ni, gan gynnwys ymwrthedd cynyddol i wrthfiotigau, diagnosis canser cynnar a sut i gael gwared ar anghydraddoldebau iechyd.
Mae’r Ganolfan yn cyflawni hyn drwy ffurfio partneriaethau strategol gydag ymchwilwyr, profiadol a newydd, a thrwy adeiladu cysylltiadau parhaus gyda’r cyhoedd, y mae eu cyfranogiad yn hanfodol ar gyfer llwyddiant yr astudiaethau.
Arolwg rhanddeiliaid
Adroddiad Blynyddol 2023/24
Adroddiad Blynyddol 2023/24.
Os na all eich meddalwedd gynorthwyol ddarllen y ddogfen hon, gallwch chi ofyn am fersiwn hygyrch drwy ebostio web@caerdydd.ac.uk. Cynhwyswch yr adnoddau cynorthwyol a ddefnyddiwch chi a’r fformat sydd ei angen arnoch.
Adroddiad blynyddol
CTR Dywedoch Chi, Gwnaethom Ni Arolwg Rhanddeiliaid 2021
Crynodeb o Arolwg Rhanddeiliaid y Ganolfan Treialon Ymchwil 2021.
Os na all eich meddalwedd gynorthwyol ddarllen y ddogfen hon, gallwch chi ofyn am fersiwn hygyrch drwy ebostio web@caerdydd.ac.uk. Cynhwyswch yr adnoddau cynorthwyol a ddefnyddiwch chi a’r fformat sydd ei angen arnoch.
Uned treialon clinigol cofrestredig
Mae'r Ganolfan ar gyfer Treialon Ymchwil yn uned treialon clinigol cofrestredig Cydweithredfa Ymchwil Clinigol y DU (UKCRC)
Mae'r Ganolfan yn gartref i ymchwilwyr, rheolwyr treialon, arbenigwyr systemau cyfrifiadur, rheolwyr data, gweinyddwyr, rheolwyr sicrwydd ansawdd ac ystadegwyr.
Adeiladu partneriaethau
O ganlyniad i’n cronfa eang o arbenigedd, rydym yn gallu deall y cymhlethdodau ar bob cam o'r llwybr ymchwil, o lunio cynigion ariannu effeithiol i gynnal astudiaethau sydd wedi'u cynllunio'n dda sy'n ymddangos mewn cyhoeddiadau a adolygwyd gan gymheiriaid. Mae hyn yn ein galluogi i bartneru gydag ymchwilwyr tro cyntaf a rhai profiadol o'r GIG a diwydiant, yn ogystal â sefydliadau academaidd.
Nodau ymchwil
Ein nod yw atal afiechyd, diogelu ac ymestyn bywyd drwy:
- gynllunio, datblygu a phrofi gwasanaethau ac ymyriadau er mwyn gwella iechyd a lles
- deall achosion biolegol, amgylcheddol a chymdeithasol clefydau a phenderfynyddion ymddygiad sy’n berygl i iechyd
- troi tystiolaeth yn bolisi a phroses ymarfer a’i gweithredu, o wyddoniaeth labordy i arferion meddygol a gofal iechyd gwell.
Portffolio ymchwil
Mae ein portffolio ymchwil presennol yn helaeth ac yn ymdrin â newid ymddygiad, canser solet a chanserau gwaed, plant a phobl ifanc, a heintiau.
Rydym yn parhau i ddatblygu astudiaethau sydd wedi'u cynllunio'n dda y tu allan i'n hardaloedd craidd, gan gynnwys treialon ar gyfer dyfeisiau meddygol, ac yn sefydlu portffolio o ymchwil ar y person hŷn.
Cynyddu capasiti ymchwil
Mae’r Ganolfan ar gyfer Treialon Ymchwil yn cael ei hariannu’n gyhoeddus gan Lywodraeth Cymru drwy Ymchwil Iechyd a Gofal Cymru ac Ymchwil Canser y DU i alluogi ymchwil cymwysedig sy'n llywio polisi ym maes iechyd a gofal cymdeithasol yng Nghymru ac yn y DU. Ar hyn o bryd rydym yn cynnal astudiaethau ar draws Cymru, y DU ac yn rhyngwladol.
Ein hymrwymiad i rannu canlyniadau
Rydym yn ymrwymo i ryddhau canlyniadau o'n treialon i'r cyhoedd cyn gynted â phosibl yn y fformat mwyaf priodol.
Mae ein portffolio o waith yn cynnwys treialon cyffuriau ac ymyriadau cymhleth, mecanweithiau clefydau a thriniaethau, astudiaethau carfan a hysbysu polisi ac ymarfer.
