Cartref newydd i'r Ysgol Newyddiaduraeth, y Cyfryngau a Diwylliant
![Two Central Square Entrance](https://cardiff.imgix.net/__data/assets/image/0005/1317812/Two-Central-Square-Entrance-ed.jpg?w=575&ar=16:9&q=80&auto=format)
Cartref newydd i'r Ysgol Newyddiaduraeth, y Cyfryngau a Diwylliant
Mae’r Ysgol Newyddiaduraeth, y Cyfryngau a Diwylliant wedi symud i leoliad newydd yng nghanol y ddinas ochr yn ochr â BBC Cymru Wales ac yn agos i Reach, lle caiff papurau newydd megis WalesOnline, y Western Mail a’r South Wales Echo eu creu.
Mae adleoli’n helpu’r Ysgol i ddatblygu cysylltiadau cryfach â byd diwydiant a hybu cyflogadwyedd myfyrwyr drwy gael mynediad uniongyrchol at sefydliadau blaenllaw yn y cyfryngau.
Cynllun a thu mewn yr adeilad
![Two Central Square main lecture theatre](https://cardiff.imgix.net/__data/assets/image/0006/1317813/Two-Central-Square-Main-lecture-theatre-ed.jpg?w=575&ar=16:9&q=80&auto=format)
Cafodd y penseiri IBI eu comisiynu i ddylunio cynllun yr Ysgol a’i haddurno, sy’n cynnwys:
- Pedair darlithfa gan gynnwys darlithfa 300 sedd
- Chwe ystafell newyddion a phedair ystafell olygu, pob un ag adnoddau cyfrifiadurol arloesol – gan wneud yn siŵr eu bod yn gwbl unol â safonau'r diwydiant
- Dwy stiwdio deledu a dwy stiwdio radio, dwbl yr hyn oedd gan yr adeilad blaenorol i'w gynnig, gyda thechnoleg wedi'i diweddaru a'i gwella
- Labordy Arloesi ac Ymgysylltu newydd – lle bydd myfyrwyr yn datblygu sgiliau trwy ddysgu ymarferol dan arweiniad ymchwil mewn gwyddorau data, codio cyfrifiadurol a datblygiad digidol. Bydd y lab yn cynnig ffyrdd newydd a chyffrous i newyddiadurwyr ac ymarferwyr cyfryngau i adrodd eu straeon
- Y Ganolfan Newyddiaduraeth Gymunedol
Yn gryno
- Wedi cwblhau: Medi 2018
- penseiri: IBI Group
- contractwyr: ISG.
![](https://cardiff.imgix.net/__data/assets/image/0012/2492886/182909-1612173019580.jpeg?w=100&h=100&auto=format&crop=faces&fit=crop)
Mae'r Ysgol Newyddiaduraeth, y Cyfryngau a Diwylliant yn un o ysgolion mwyaf blaenllaw y Deyrnas Unedig ac yn rhyngwladol. Mae nifer o'n myfyrwyr wedi mynd yn eu blaenau i fwynhau gyrfaoedd proffil uchel. Bydd y buddsoddiad yma yn Dau Sgwâr Canolog yn gwneud yn siŵr ein bod ni'n parhau i chwarae rhan flaenllaw yn datblygu ymchwil ac addysgu yn y sectorau newyddiadurol, cyfryngol a diwylliannol.
Dyluniad cynaliadwy
Mae gan y dyluniad darged o gael sgôr BREEAM ardderchog. Mae'r gwahanol denantiaid yn cefnogi hyn, gyda chytundeb les werdd sy'n cynnwys prosesau caffael cynaliadwy, ansawdd aer a dŵr, a chynlluniau teithio.
![Central square](https://cardiff.imgix.net/__data/assets/image/0010/1317817/20180925_132117_001.jpg?w=575&ar=16:9&q=80&auto=format)