Fy mhrofiad ôl-raddedig i yn Ysgol Busnes Caerdydd — cwrdd â Haleema

Sut mae Ysgol Busnes Caerdydd wedi fy nghefnogi

Cefais gefnogaeth werthfawr ac ymroddedig gan Ysgol Busnes Caerdydd, megis trwy weithdai ymarferol, cipolwg ar ddiwydiant, a meithrin awyrgylch sy’n arwain at ddatblygiad personol a phroffesiynol. Mae ymgymryd â mentora gyrfaol a chyfleoedd i gael profiad gwaith wedi rhoi’r cyfle i mi roi’r theori rydw i wedi dysgu ar waith yn y byd ymarferol.

Byw yng Nghaerdydd

Roedd byw yng Nghaerdydd yn brofiad pleserus iawn, mae’n ymarferol i gerdded ac yn ystyriol o fyfyrwyr, gyda diwylliant bywiog a chroesawgar. Rydw i wedi mwynhau crwydro o amgylch cymdogaethau amrywiol y ddinas. Mae golygfeydd a harddwch y ddinas wedi bod yn brofiad bythgofiadwy.

Pam gwnes i ddewis Prifysgol Caerdydd ar gyfer fy ngradd

Yr hyn a dynnodd fy sylw at Brifysgol Caerdydd oedd y rhaglen enwog Marchnata Strategol (MSc). Adnabyddus am ei dull ymarferol a’i pherthnasedd i’r diwydiant gan gynnig y cyfuniad delfrydol o drylwyredd academaidd a chymhwysiad i’r byd go iawn.

Yr hyn rydw i wedi'i fwynhau fwyaf am fy ngradd hyd yn hyn

Rydw i wedi mwynhau'r profiad o ddysgu wrth ymarfer, yn enwedig y cyfleoedd i weithio ar y cyd gyda busnesau lleol yn rhoi’r wybodaeth ddamcaniaethol ar waith mewn sefyllfaoedd heriol marchnata'r byd go iawn, ac i gael y cyfle i brofi canlyniadau sylweddol.

Sgiliau a ddatblygwyd a fydd yn fy helpu yn fy ngyrfa yn y dyfodol

Mae’r sgiliau rydw i wedi datblygu, megis meddwl yn strategol, dadansoddi’r farchnad, ymchwil marchnata, gweithio mewn tîm a chyfathrebu yn effeithiol, ymhlith eraill, wedi fy ngrymuso i ddod o hyd i’r ffordd ym maes cymhleth marchnata, gan ysgogi arloesedd a chyflawni canlyniadau sydd o fewn cyrraedd yn y dyfodol.

Pam byddwn yn argymell Marchnata Strategol (MSc)

Byddwn i’n argymell y rhaglen MSc Marchnata Strategol yn gryf, am ei chyfuniad delfrydol o ragoriaeth academaidd, elfennau ymarferol, ac awyrgylch dysgu cefnogol, sy’n sicrhau bod gan fyfyrwyr y sgiliau sydd eu hangen arnyn nhw i lwyddo ym maes blaengar marchnata.

I grynhoi fy mhrofiad yng Nghaerdydd

Mae fy mhrofiad yng Nghaerdydd wedi cael effaith hirdymor arna i, gan sicrhau bod gen i’r wybodaeth, y sgiliau a’r hyder i ddilyn y trywydd o farchnata gyda brwdfrydedd, phwrpas ac effaith.

Rhagor o wybodaeth