Ffasiwn flaengar: Llwybr at gadwyni cyflenwi moesegol a gwydn

Mae Hakan yn ymhelaethu ar ei waith ymchwil...

“Mae cynaliadwyedd yn cael ei orfodi mewn system amherffaith sy’n blaenoriaethu lleihau costau a gweithredu’n effeithiol uwchlaw pob dim arall. Mae ein gwaith ymchwil ar newid cydwybodol yn dangos sut i roi pobl yn gyntaf wrth gymryd camau er budd yr hinsawdd.

Gan ddefnyddio fy ngwaith ymchwil gyda’r Athro Donna Marshall (Coleg y Brifysgol Dulyn) ar newid cydwybodol mewn cadwyni cyflenwi dillad a thecstilau, mae cwmnïau fel arfer yn fframio ac yn cefnogi datgarboneiddio yn rhywbeth sy’n cael ei ysgogi gan dechnoleg ac arloesedd, gan bwysleisio rhan cwmnïau a marchnadoedd wrth gynnig atebion arloesol ac arbenigol. Ni ddylai’r atebion i’r newid hwn gael eu fframio yng nghyd-destun technoleg i leihau allyriadau yn unig. Er bod cynlluniau datgarboneiddio’n hanfodol, mae’n anwybyddu’r cysyniadau o degwch ac yn peidio â sylwi ar sut y mae cyfiawnder cymdeithasol ac ymddygiad amgylcheddol yn gweithio gyda’i gilydd.

Mae’n gwaith ymchwil yn dangos bod angen ymateb o safbwynt cyfiawnder cymdeithasol er mwyn deall sut mae datgarboneiddio yn gwaethygu’r anghydraddoldebau sydd eisoes yn bodoli, a sut mae rhanddeiliaid cadwyni cyflenwi’n gallu cael eu cynnwys yn y newidiadau mewn ffordd gydwybodol, ddemocrataidd a theg. O ystyried bod galluogedd dynol, llywodraethu ac anghydbwysedd grym aml yn cael eu hanwybyddu mewn trafodaethau ynghylch cynaliadwyedd, mae angen bachu ar y cyfle i dynnu sylw at yr angen i bontio’n deg ar gyfer dyfodol cynaliadwy.

Mae’n rhaid datgarboneiddio mewn ffordd gywir, teg a chydwybodol. Mae’n rhaid felly i gyfiawnder amgylcheddol a chymdeithasol gael ei drefnu mewn modd cyfannol. Mae popeth yn dibynnu ar gyd-destun ac mae llawer o ffactorau amodol, felly mae cynnwys a chynrychioli cymunedau sydd ynghlwm â'r gadwyn cyflenwi yn hollbwysig.

Yng nghyd-destun y diwydiant ffasiwn, mae hyn yn golygu canolbwyntio ar gyflenwyr, ffermwyr a gweithwyr. Er mwyn gwneud yn siŵr bod busnesau brandiau ffasiwn yn gallu parhau, mae’n rhaid i’r diwydiant ffasiwn ddeall bod hynny’n ddibynnol ar les cymdeithasol hirdymor y gadwyn gyflenwi.