Helpu i Dyfu: Cwrs Rheoli
Mae’r rhaglen hon yn helpu uwch reolwyr mewn busnesau bach a chanolig eu maint i hybu perfformiad, gwydnwch a thwf hirdymor eu busnes.
Bydd y cwrs nesaf yn cael ei gynnal ar fore Mercher, yn cychwyn ar 8 Ionawr 2025.
Gall arweinwyr busnesau ddilyn y rhaglen 12-wythnos hon tra byddant yn gweithio a dysgu drwy gymryd rhan mewn cyfuniad o sesiynau ar-lein ac wyneb-yn-wyneb.
Mae Llywodraeth y DU yn ariannu 90% o’r rhaglen, sy’n golygu mai dim ond £750 (neu £65 yr wythnos) yw cost y rhaglen lawn i berchnogion busnes.
Yn Ysgol Busnes Caerdydd, sef Ysgol Busnes Gwerth Cyhoeddus gyntaf y byd, sydd wedi ennill gwobr Siarter y Busnesau Bach, rydym yn falch o gyflwyno'r rhaglen hyfforddiant rheoli ymarferol hon. Mae Siarter y Busnesau Bach yn wobr sy’n cydnabod yr arweiniad personol o ansawdd uchel a roddir i gefnogi busnesau bach a’u heconomi leol.
Tyfu yn Eich Ffordd eich Hun
I nodi blwyddyn gyntaf y cwrs Help i Dyfu: Rheoli, mae Siarter Busnes Bach wedi cynhyrchu adroddiad, Tyfu yn Eich Ffordd eich Hun: Straeon o flwyddyn o'r cwrs Help i Dyfu: Rheoli.
Y rhaglen
Mae’r rhaglen Helpu i Dyfu: Rheoli wedi'i chynllunio o amgylch cwricwlwm ymarferol sy'n cynnwys:
- pump sesiwn 2-awr ar-lein wedi’u hwyluso
- saith gweithdy ymarferol, wyneb yn wyneb gan gynnwys sesiynau astudiaeth achos pwrpasol
- cymorth un-i-un gan fentor busnes, a fydd yn rhoi cymorth personol i chi i ddatblygu eich cynllun twf busnes
- cyfleoedd i rwydweithio gydag arweinwyr busnesau bach eraill, gan gynnwys galwadau grŵp wedi’u trefnu gan hwylusydd y rhaglen – bydd y galwadau’n rhoi’r cyfle i chi rannu profiadau gyda grŵp bach o arweinwyr busnesau bach eraill
- digwyddiadau gyda siaradwyr ysbrydoledig, clinigau busnes a digwyddiadau rhwydweithio drwy’r rhaglen i gynfyfyrwyr
Bydd y rhaglen yn ymdrin â meysydd arweinyddiaeth allweddol, gan gynnwys:
- strategaeth ac Arloesedd
- ennill marchnadoedd newydd
- arwain ar gyfer perfformiad uchel
- adeiladu gweledigaeth a brand
- timau ysgogol ac ysbrydoledig
- creu gwerth i'r cwsmer
- trawsnewid digidol
- mabwysiadu arferion busnes cyfrifol
- rheolaeth Ariannol
Bod yn gymwys
I ddilyn y rhaglen Helpu i Dyfu: Rheoli, mae’n rhaid i’ch busnes:
- bod yn fusnes bach neu ganolig ei faint yn y DU
- bod mewn unrhyw sector busnes ac yn cyflogi rhwng 5 a 249 o bobl
- bod wedi bod yn rhedeg ers o leiaf flwyddyn
- peidio â bod yn elusen
- os ydych yn cyflogi rhwng 10 a 249 o bobl, gallwch anfon hyd at ddau weithiwr ar y cwrs - i gael rhagor o wybodaeth, darllenwch y cwestiynau cyffredin
I ddilyn y rhaglen Helpu i Dyfu: Rheoli, mae’n rhaid i’r unigolyn:
- bod yn benderfynwr ar lefel uwch, fel Prif Weithredwr, Cyfarwyddwr Cyllid, Cyfarwyddwr Gweithrediadau ac ati (gall busnesau sy'n cyflogi 5-10 o bobl anfon un person, a gall busnesau sy'n cyflogi mwy na 10 o bobl anfon ail gyfranogwr).
- ymrwymo i gymryd rhan ym mhob sesiwn
Mae’r rhaglen Helpu i Dyfu: Rheoli’n cael ei chyflwyno gan arbenigwyr o’r diwydiant ym Mhrifysgol Caerdydd. Ymunwch â ni i ddysgu sut i wella eich galluoedd rheolaethol a strategol, datblygu eich datganiad gwerth, sicrhau bod eich ymarfer busnes, eich cynhyrchion a’ch gwasanaethau’n arloesol, gwella dulliau o ymgysylltu â gweithwyr, ac yn bwysig, ddeall sut i feithrin gwydnwch ar gyfer siociau economaidd yn y dyfodol drwy gymorth masnachol, ariannol a thechnolegol gwell.
Cofrestrwch i gadw lle
Rydyn ni’n recriwtio ar gyfer carfan i ddechrau ym mis Ionawr 2025. Cofrestrwch ar-lein.
Bydd ein modiwlau wyneb yn wyneb yn cael eu cynnal yn Adeilad Aberconwy, Ysgol Busnes Caerdydd.
Cysylltu â ni
Os oes gennych unrhyw gwestiynau am y rhaglen, ebostiwch help2grow@caerdydd.ac.uk.
Mae ein tîm Helpu i Dyfu: Rheoli’n cael ei arwain gan Jane Lynch, Cyfarwyddwr y Rhaglen ar y cyd â Linda Hellard, Rheolwr Busnes a Thomas Gray, Gweinyddwr.
