Pum munud gyda'r Athro Rob Morgan

Angerdd yr Athro Morgan yw syniadau - eu datblygu, eu rhannu, eu herio, eu gwella, a'u harchwilio'n feirniadol. Bu'n Athro Llawn ers dros ugain mlynedd ac mae'n arbenigo yn y cysylltiad rhwng rheolaeth strategol a marchnata gydag arbenigedd ymchwil mewn arloesedd cynnyrch a phrosesau.

Mae Rob yn meddu ar Gadair Syr Julian Hodge ac yn gwasanaethu fel Athro Marchnata a Strategaeth yn yr Adran Marchnata a Strategaeth yn yr Ysgol lle mae'n cyd-gyfarwyddo'r portffolio Ymchwil, Arloesedd ac Ymgysylltu.

Beth daeth â chi i Ysgol Busnes Caerdydd?

Dyma fy alma mater, felly mi wnes i adael a dychwelyd, gadael a dychwelyd a gadael a dychwelyd. Ar ôl cyflwyno dosbarthiadau, darlithoedd a mewnwelediadau ymchwil ar bum cyfandir, Caerdydd yw fy nghartref. Mae cydweithwyr, y gyfadran a'r partneriaid rydyn ni'n gweithio gyda nhw yma yn cynnal fy chwilfrydedd, yn rhannu fy angerdd am herio syniadau sy'n bodoli a chynhyrchu rhai newydd, ac yn awyddus i ddatblygu eu hunain a'u sefydliadau. Hyn oll gydag ymdeimlad o sail, pwrpas a gwerth cyhoeddus.

Pam mynd i brifysgol i gael hyfforddiant gweithredol?

Mae marchnad ar gyfer syniadau ond mae cylch bywyd o syniadau. Mae hyfforddiant gweithredol yn aml yn ymwneud â dosbarthu offer a thechnegau safonedig i'r cleient sy’n mabwysiadu dulliau unffurf i bawb. Yn nodweddiadol, mae hyfforddiant gweithredol ar lefel prifysgol yn cydnabod bod heriau cleientiaid yn unigryw ac rydym yn cyfrannu llawer o offer, technegau, prosesau a fframweithiau at y drafodaeth ond hefyd mewnwelediadau dwfn o'n hymchwil a'n dysgu cyson.

Mewn ysgolion busnes rydym yn creu gwybodaeth trwy ymchwil ond rydym hefyd yn lledaenu gwybodaeth trwy ein rhaglenni addysg a hyfforddiant. Felly mae ein hyfforddiant yn wydn ac yn aml yn gallu nodi'n union pa ddyfeisiau, strategaethau, penderfyniadau a chamau gweithredu rheoli sy'n gweithio orau ym mha leoliadau. Yn ein gwaith ExecEd, rydym yn hyfforddi rheolwyr i ddod yn feddylwyr da, fel eu bod yn eu tro yn dod yn rheolwyr hyd yn oed gwell.

Beth ydych chi'n gweithio arno ar hyn o bryd?

Mae deg prosiect ar y gweill gen i ar hyn o bryd. Rwy'n arbenigo mewn marchnata a rheolaeth strategol gydag arbenigedd penodol mewn datblygu busnes ac arloesedd. Mae un o'n prosiectau yn mynd i'r afael â'r cwestiwn ynghylch pam mae rhai cwmnïau'n llwyddo mewn dirwasgiadau ac yna'n rhagori mewn cyfnodau ehangu trwy wneud y gwrthwyneb strategol i’r hyn mae eu cystadleuwyr yn ei wneud. Mae'n cael ei redeg gyda chydweithwyr yma ac yn y Vrije Universiteit, Amsterdam. Mae'r ymchwil wrthffeithiol hon yn hynod ddiddorol ac mae wedi’i seilio ar olrhain bron i 2,000 o gorfforaethau yn yr UD dros gyfnod o 20 mlynedd.

Mae prosiect arall yn edrych ar sut mae busnesau llwyddiannus yn creu eu galluoedd. Rydym yn gwybod llawer iawn am sut i ddatblygu, newid ac integreiddio galluoedd busnesau ond ychydig iawn am sut i egino ac yna ymledu galluoedd o'r cychwyn cyntaf. I greu o'r dechrau un. Rydyn ni'n gwybod bod galluoedd yn fwy na chryfderau busnes yn unig - maen nhw'n asedau newydd, prin a gwerthfawr i’r busnes. Mae’n hysbys bod galluoedd yn un o ysgogwyr pwysicaf llwyddiant strategol felly gadewch inni ddod o hyd i'r atebion i sut y gallwn eu hadeiladu'n effeithiol. Gyda chydweithwyr yn Ysgol Busnes Kelley, Prifysgol Indiana y cyflawnir y prosiect hwn.

Pa sgiliau cyfrinachol sydd gennych chi?

Gwrthodais ddod yn golffiwr proffesiynol er mwyn cael aros ymlaen yn yr ysgol. Oooh, rydw i mor falch o hynny nawr ...!