Mae RemakerSpace yn ymroddedig i yrru’r economi gylchol yng Nghymru a thu hwnt, a’i nod yw cynyddu ymwybyddiaeth o fanteision ailddefnyddio, atgyweirio ac ailbwrpasu er mwyn ymestyn cylchoedd oes cynnyrch.

Mae gan y Ganolfan ystod eang o gyfleusterau, gan gynnwys labordy argraffu 3D o safon y diwydiant, gydag amrywiaeth eang o dechnolegau proses Gweithgynhyrchu Adiol uwch. Mae gennym hefyd ofod delweddu, sy'n cynnwys clustffonau realiti rhithwir o'r radd flaenaf i gefnogi ein defnyddwyr wrth ddylunio ac atgyweirio gyda phrototeipio rhithwir.

Ategir y cyfleusterau uwch hyn gan ‘weithdy’ llawn stoc ac amrywiaeth o offer a chyfarpar traddodiadol, gan gynnwys gwaith coed, offer atgyweirio a phrofi trydanol a pheiriannau gwnïo diwydiannol a domestig.

Rydym yn cydweithio â thri grŵp ffocws ac yn darparu’r sgiliau a’r offer sydd eu hangen i ddatblygu cyfleoedd newydd yn seiliedig ar wasanaethau ail-weithgynhyrchu ac atgyweirio:

Cymunedau

Mae RemakerSpace yn darparu mynediad i ail-weithgynhyrchu ar gyfer grwpiau cymunedol Cymreig, elusennau, awdurdodau lleol a sefydliadau trydydd sector eraill.

Mae'r Ganolfan yn cynnig gofod lle gall pobl ddod at ei gilydd i gydweithio, rhannu syniadau, dysgu sgiliau newydd, ac mae'n cynnig cyfleoedd dysgu ymarferol sy'n gysylltiedig ag electroneg, atgyweirio trydanol a thecstilau, argraffu 3D, a mwy.

Dysgwyr

Rydym yn darparu mynediad i gyfleusterau ail-weithgynhyrchu i gyfoethogi profiadau myfyrwyr (ysgolion, colegau, prifysgolion) yn yr economi gylchol.

Yn RemakerSpace, mae dysgwyr yn cychwyn ar brofiadau dysgu cyffrous sy'n tanio eu creadigrwydd a'u chwilfrydedd gan ddefnyddio ystod neu offer ac offer. Gyda phwyslais ar ailddefnyddio, ailgylchu ac ailgynhyrchu, mae ein pecyn cymorth yn rhychwantu ystod eang o offer ac adnoddau i hyrwyddo dull mwy cynaliadwy o greu.

Byd Diwydiant

Mae RemakerSpace yn darparu hyfforddiant, cefnogaeth, a rhwydweithio o ran cysyniadau am ail-weithgynhyrchu a’r economi gylchol yn ehangach.

Gan dynnu ar ein hymchwil sy'n arwain y byd o ran ail-weithgynhyrchu cadwyni cyflenwi, rydym mewn sefyllfa dda i roi cyngor ac arweiniad i fusnesau ynghylch y ffordd orau o gofleidio ailgynhyrchu yn eu gweithrediadau, er mwyn sicrhau buddion amgylcheddol ac economaidd, a'r sgiliau a'r offer sydd eu hangen i ddatblygu cyfleoedd busnes newydd yn seiliedig ar wasanaethau ailgynhyrchu ac atgyweirio.

Mae RemakerSpace, sy’n dîm amlddisgyblaethol o academwyr, ymarferwyr ac arbenigwyr technegol, yn cynnig ystod lawn o wybodaeth a sgiliau i gefnogi atebion sy'n cwmpasu’r economi gylchol, gweithgynhyrchu o’r newydd ac ymestyn cylch oes cynnyrch.

Cyfarwyddwr y Ganolfan

Cyd-gyfarwyddwr y Ganolfan

Staff Prifysgol Caerdydd

Staff DSV

Ar gyfer diwydiant, rydym yn darparu ffynhonnell arbenigedd, sy'n drylwyr yn academaidd ond wedi'i seilio ar gymwysiadau ymarferol.

Rydyn ni’n ffynhonnell o arbenigedd i fyd diwydiant sy'n drylwyr yn academaidd ond sydd hefyd yn seiliedig ar yr hyn sy’n ymarferol. Rydyn ni’n gweithio gyda chwmnïau bach ac ar draws holl feysydd gwella natur gylchol gweithrediadau a’r gadwyn gyflenwi gyfan, a hynny i gefnogi a hyrwyddo mentrau perthnasol, gan gynnwys dylunio cynnyrch, addasu at ddibenion gwahanol, ailweithgynhyrchu ac adnewyddu.

Mae adnoddau'r Ganolfan yn cynnwys argraffwyr 3D safonol y diwydiant, gan gynnwys gwerth £200,000 o beiriannau HP diwydiannol, yn ogystal ag ystod eang o uwch dechnolegau proses Gweithgynhyrchu Haen-ar-haen i gefnogi a hyrwyddo pob agwedd ar yr economi gylchol, gan gynnwys addasu at ddibenion gwahanol, ailgynhyrchu ac ailgylchu.

Cydweithio diweddar gan y diwydiant

Mae angen ar Glory Global Solutions, arweinydd ym maes datrysiadau technoleg arian parod, sicrhau y bydd cydrannau sbâr rhai o’u cynnyrch yn gallu parhau wrth i’r rhain nesáu tuag at ddiwedd eu hoes.  Dyma broblem sy’n wynebu nifer o gwmnïau wrth iddyn nhw bontio i arferion economi fwy cylchol. Helpodd RemakerSpace i Glory oresgyn y broblem drwy gynnig ateb technegol ar sail y gadwyn gyflenwi i broblem rheoli rhestrau cyflenwi’r cwmni, gan gynnwys eu helpu i ddeall hyfywedd cynhyrchu cydrannau sbâr ar alw, a hynny gan ddefnyddio gweithgynhyrchu haen-ar-haen o’r radd flaenaf.

DSV A/S yw un o'r cwmnïau logisteg mwyaf yn y byd sy’n arbenigo mewn cludo nwyddau yn yr awyr, ar y ffyrdd a’r môr. Mae tîm RemakerSpace yn gweithio'n agos gyda DSV i helpu'r cwmni i ddeall sut y gall hefyd gyfuno gwasanaethau atgyweirio yn eu cadwyni cyflenwi. Mae hyn wedi arwain at benderfyniad DSV i greu gwasanaethau atgyweirio i gwsmeriaid cadwyn gyflenwi o bwys ledled y byd.

Mae RemakerSpace wedi helpu GIG Cymru i atgyweirio rhai o'u cynnyrch anghlinigol nad yw cydrannau sbâr bellach ar gael ar eu cyfer. Gan weithio'n agos gyda thechnegwyr y GIG rydyn ni wedi ailgynllunio, ailddatblygu a chyflenwi cydrannau sbâr ar gyfer ystod o ddyfeisiau, gan arbed miloedd o bunnoedd i'r GIG, a sicrhau bod adnoddau pwysig yn parhau i gael eu defnyddio, sef adnoddau a fyddai fel arall wedi gorfod cael eu disodli.

Sut rydyn ni’n gweithio gyda byd diwylliant

• Ailgynllunio prosesau a chynnyrch at ddibenion cylcholdeb
• Ailgynllunio'r gadwyn gyflenwi
• Rhagweld a rheoli rhestrau cyflenwi
• Dylunio systemau ailweithgynhyrchu
• Arbenigedd ym maes Gweithgynhyrchu Haen-ar-Haen
• Rheoli cydrannau sbâr
• Hyfforddiant staff:
• Gweithdai arloesi
• Cyllid ar y cyd

Mae RemakerSpace yn cynnig amgylchedd deinamig, lle y gall grwpiau cymunedol gymryd rhan mewn dysgu ymarferol, creu, arbrofi ac atgyweirio.

Mae'r Ganolfan yn cynnig ystod eang o adnoddau i gefnogi gwahanol agweddau ar yr economi gylchol. P’un a ydych chi’n gwneud gwaith atgyweirio electronig, yn dylunio gwrthrychau wedi'u hargraffu yn 3D, neu'n gwneud gwaith atgyweirio tecstilau, gall pob unigolyn ddod i ddatgloi a dangos eu hochr greadigol a chael tipyn o hwyl ar yr un pryd.

Gweithgareddau

Yn rhan o'n gweithgareddau, rydyn ni’n trefnu grŵp cymdeithasol cyfeillgar a gynhelir bob mis, sef 'Gwau, Sgwrsio, Crefft a Chlonc'. Mae selogion crefft yn dod ynghyd i gyfnewid awgrymiadau, rhannu patrymau, a defnyddio peiriannau gwnïo domestig a diwydiannol y Ganolfan. Rydym hefyd yn cynnal gweithdai Atgyweirio Electronig, ac mae ein gweithgareddau'n plethu creadigrwydd gyda'i gilydd, dysgu, a phwyslais cryf ar yr economi gylchol.

Mae ein hystod amrywiol o adnoddau yn cefnogi gwahanol agweddau ar yr economi gylchol. Atgyweirio yn hytrach na thaflu, ailbwrpasu deunyddiau, ac ymestyn cylchoedd bywyd cynnyrch—dyma sydd wrth galon yr hyn a wnawn ni.

Cysylltu

Os ydych chi'n awyddus i archwilio ymhellach a dysgu rhagor am ein cyfleusterau a'n sesiynau ymarferol, bydden ni wrth ein bodd yn rhannu gwybodaeth ychwanegol â chi, a’r ffyrdd y gallwch chi gymryd rhan.

Mae RemakerSpace yn cynnig cyfle i ddysgwyr gymryd rhan weithredol mewn gweithgareddau sy'n ymwneud ag ail-weithgynhyrchu, atgyweirio a chynaliadwyedd.

Mae ffocws y Ganolfan ar ymgysylltu trwy ddigwyddiadau a gweithdai arloesol, lle gallwn ymgysylltu â dysgwyr yn greadigol. Mae'n ffordd wych o ennill sgiliau ymarferol wrth gyfrannu at ddyfodol mwy cynaliadwy.

Mae’r ystod eang o offer sydd ar gael yn RemakerSpace yn rhoi’r cyfle i’r Ganolfan gyflwyno gweithgareddau ymgysylltu ac allgymorth i ddysgwyr gymryd rhan arloesol i ddatblygu a gwella eu gwybodaeth a’u dealltwriaeth o’r economi gylchol.

Sut rydyn ni yn gweithio gyda sefydliadau addysgol

Mae'r Ganolfan wedi cyflwyno gweithgareddau difyr yn llwyddiannus i ddysgwyr ar draws pob grŵp oedran. Dros y 12 mis diwethaf, rydyn ni wedi croesawu mwy na 500 o fyfyrwyr i'n Canolfan. Mae ein gweithdai rhyngweithiol, gyda phwyslais brwd ar ddylunio ac argraffu 3D, wedi ennyn diddordeb a chreadigrwydd ymhlith ein dysgwyr. Mae'r sesiynau hyn yn galluogi myfyrwyr i ryddhau eu dychymyg, cydweithio, a dyfeisio atebion arloesol i heriau'r byd go iawn.

Os oes gennych ddiddordeb mewn dysgu rhagor am ein sesiynau rhyngweithiol ac ymarferol i ddysgwyr, byddem yn falch iawn o rannu mwy o fanylion ac archwilio sut y gallwch gymryd rhan: