Gwerth cyhoeddus
Ar ddiwedd 2015, gwnaethom ymrwymo ein hunain yn gyhoeddus i strategaeth newydd gyffrous a fyddai'n llywio ein hymchwil a'n haddysgu, ac yn golygu mai ni fyddai'r ysgol busnes cyntaf yn y byd i roi gwerth cyhoeddus wrth wraidd ei gweithrediadau.
Rydyn ni’n gweithio i sicrhau gwerth economaidd a chymdeithasol drwy addysgu, ymchwil, ymgysylltu ac effaith ryngddisgyblaethol sy'n mynd i’r afael â heriau mawr ein hoes.
Drwy groesawu gwaith rhyngddisgyblaethol gyda chydweithwyr academaidd, partneriaid busnes a’r trydydd sector, credwn y gallwn helpu i ddatrys amrywiaeth o broblemau cymdeithasol ac ailddiffinio sut mae pobl yn meddwl am fusnes a rheolaeth.
Mae ymgorffori'r ethos hwn yn ein hymchwil, addysgu a dysgu yn uno ein sylfaen academaidd amlddisgyblaethol wrth ddefnyddio eu galluoedd i ennyn gwelliannau cymdeithasol ac economaidd.
Mae hefyd yn gwella sgiliau a gwybodaeth ein myfyrwyr a meithrin teimlad moesol, neu ddychymyg cydymdeimladol, tuag at welliant cymdeithasol ac economaidd.
Ysgol busnes gwerth cyhoeddus
Diben Ysgol Busnes Caerdydd yw cyflawni gwerth economaidd a chymdeithasol drwy addysgu, ymchwil, ymgysylltu ac effaith ryngddisgyblaethol sy’n mynd i’r afael â heriau mawr ein hoes.
Os na all eich meddalwedd gynorthwyol ddarllen y ddogfen hon, gallwch chi ofyn am fersiwn hygyrch drwy ebostio web@caerdydd.ac.uk. Cynhwyswch yr adnoddau cynorthwyol a ddefnyddiwch chi a’r fformat sydd ei angen arnoch.
Ni yw'r Ysgol Busnes Gwerth Cyhoeddus gyntaf yn y byd. Rydym yn poeni am fwy na llwyddiant economaidd, rydym am ymgorffori dynoliaeth, cynaliadwyedd, haelioni ac arloesedd yn y sector busnes.
