Ymchwil Bioddelweddu

Rydyn ni’n cynnig nifer o wasanaethau prosesu histolegol a pharatoi sleidiau gan gynnwys:

• Prosesu â chwyr paraffin a mewnosod
• Microlafnu a pharatoi sleidiau
• Staenio histolegol – Haematocsolin a Eosin (H&E) fel arfer, ond cysylltwch â'r Hwb Ymchwil Bioddelweddu (bioimaginghub@caerdydd.ac.uk) i drafod dulliau staenio eraill.

Rhaid i bob sampl sy'n cael eu cyflwyno i histoleg ddod gyda ffurflen cais Histoleg.

Dylsai cwsmeriaid tu hwnt i’r Ysgol ebostio Hwb Ymchwil Bioddelweddu (bioimaginghub@caerdydd.ac.uk) i gael dyfynbris.

Mae’r Hwb yn gartref i ficrosgop cydffocal unionsyth Zeiss LSM880 Airyscan a system ddelweddu awtomataidd Zeiss Celldiscoverer7 (gweler isod). Mae meddalwedd blaengar yn perthyn i’r ddwy system ar gyfer prosesu a dadansoddi setiau data microsgopeg 3D/4D. Mae’r microsgop cydffocal LSM880 Airyscan yn addas ar gyfer:

Mae’r system ddelweddu ddiweddaraf Zeiss Celldiscoverer 7 yn caniatáu delweddu tra-fanwl mewnbwn uchel ac aml-ddimensiwn o samplau biolegol, o gelloedd byw i organebau model bychain. Mae rheolaeth amgylcheddol llawn yn perthyn i’r system gydag phorth ar gyfer trosglwyddo sampl ar echel. Mae’r cyfarpar yn gallu gwneud y canlynol:

Adain ddelweddu celloedd byw yr Hwb Bioddelweddu yn gartref i ficrosgop cydffocal sy’n defnyddio disg sy’n troelli ar gyfer prosesau delweddu cyflym, oediog. Mae’r system yma’n paratoi delweddau aml-safle (x,y,z) yn gyflym gan ddefnyddio technegau fflworoleuedd aml-liw a thrawsyriant golau. Mae systemau ar gyfer delweddu celloedd byw (h.y. nwy a magwrydd) ar gael hefyd.

Mae’r system Zeiss Lightsheet Z.1 â’i rheolaeth amgylcheddol yn caniatáu delweddu amlolwg ac aml-liw o samplau trwchus fflworoleuol â chydraniad gofodol-amseryddol uchel.

Mae gennym ystod o ficrosgopau manylder uwch o gyfres Olympus BX a Leica DM i gipio delweddau digidol ar gyfer y canlynol:

• Microsgopeg maes llachar
• Microsgopeg maes tywyll
• Microsgopeg gweddgyferbyniol
• Microsgopeg cyferbyniad ymyrraeth wahaniaethol Nomarski
• Microsgopeg begynol
• Microsgopeg epifflworoleuedd

Mae ein system sganio sleidiau (Surveyor) yn paratoi sganiau a delweddau digidol tra manwl o feinwe cyfan ar gyfer rhith-histoleg a phatholeg.

Mae sganiwr sleidiau Olympus VS200, sydd wedi'i leoli yn Sefydliad Ymchwil Bôn-gelloedd Canser Ewropeaidd, yn hwyluso sganio sleidiau cyfan, cwbl awtomataidd, o adrannau histolegol drwy amrywiaeth o foddau delwedd, gan gynnwys epifflworid.

Rydyn ni’n cynnig gwasanaeth delweddu trawsyriant golau ac epifflworoleuedd o samplau bychain iawn gan gynnwys mowntiau cyfan, platiau meithriniad, jelïau, lluniadau wedi’u saernïo a thoriadau meinwe, yn ogystal â ffotograffiaeth gyffredinol.

Mae’r Biospace Lab PhotonIMAGER Optima yn paratoi delweddau sbectrwm-llawn ar sail bioymoleuedd a fflworoleuedd meinwe byw, o las i isgoch-agos.

Mae’r fflworosbectromedr Thermo Fisher NanoDrop 3300 yn mesur meintiau picogram DNA, RNA a phrotein mewn hydoddiannau microgyfaint.

Mae’r Zeiss PALM MicroBeam laser microdissector, sydd yn y Sefydliad Ymchwil Bôn-gelloedd Canser Ewropeaidd, yn arunigo DNA, RNA a phrotein o doriadau histolegol (cwyr paraffin neu cryo) a chelloedd byw.

Peiriant Argraffu 3D:

Mae’r Ultimaker 3 Extended yn beiriant argraffu 3D allwthiad deuol sy’n defnyddio data cyfaint i baratoi modelau 3D deuliw o ansawdd uchel hyd at 30cm o uchder.

Mae’r argraffydd yn derbyn ffeiliau argraffu 3D .stl obj, .dxf a .3mf.