Croeso i Ŵyl Bod yn Ddynol 2024

Cyflwyniad i'r ŵyl gan Dr Jenny Kidd.

Croeso cynnes i bawb fydd yn ymuno â ni yng Ngŵyl Bod yn Ddynol 2024.

Mae Prifysgol Caerdydd yn falch iawn o gael ei dewis yn un o bum canolfan yr ŵyl ledled y DU fydd yn cynnal Gŵyl Bod yn Ddynol 2024, sef gŵyl genedlaethol y dyniaethau yn y DU.

Thema'r ŵyl eleni yw 'Dirnodau' a byddwn ni’n gweithio ochr yn ochr ag amrywiaeth o bartneriaid i gynnal ein digwyddiadau ledled Cymru. Mae'r thema hon yn dathlu unrhyw a phob agwedd ar ymchwil yn y dyniaethau sy'n ymwneud â'r meysydd y mae ein sefydliadau yn ymwneud â nhw, a Chymru yn fwy cyffredinol.

Bob blwyddyn mae'r ŵyl yn gwahodd ymchwilwyr mewn prifysgolion a sefydliadau ymchwil eraill i gydweithio â phartneriaid cymunedol a diwylliannol lleol i greu digwyddiadau cyffrous a deniadol i’r cyhoedd. Mae'r rhain yn gweithio gyda chymunedau lleol i rannu syniadau fydd o fudd i bawb.

Bydd y digwyddiadau hyn i’r cyhoedd, sy’n rhad ac am ddim, yn cael eu hanelu at ystod o oedrannau yn ogystal â grwpiau sydd heb gynrychiolaeth ddigonol neu grwpiau penodol, a bydd y rhain yn cynnwys teithiau cerdded dan arweiniad, gweithgareddau ymarferol, a gweithdai . Mae'r ŵyl hefyd yn cynnig cyfleoedd i bobl rannu eu meddyliau, eu syniadau a'u profiadau, a hynny er mwyn bwydo i mewn i fyd ymchwil a chreu gweithgareddau a digwyddiadau ar y cyd.

Mae pob un o’n digwyddiadau yn ennyn diddordeb ymchwilwyr a chymunedau ehangach i wneud gwahaniaeth. Yn y cyfnod hwn sy’n bythol newid, mae ein hymchwil yn y dyniaethau yn ysbrydoli ac yn cyfoethogi ein bywydau bob dydd ac yn ein helpu i ddeall ein hunain a'r ffordd rydyn ni’n ymwneud â phobl eraill.

Dymunaf Ŵyl wych i bob un ohonoch!

Dymuniadau gorau,

Jenny