Ewch i’r prif gynnwys
Ysgol Pensaernïaeth Cymru

Pensaernïaeth Arwahanrwydd: Corff / Cyfryngau / Gofod

AoA

Mae hanner canrif wedi mynd heibio ers i syniadau amaralloldeb ac anghyfnewidioldeb dreiddio i drafodaethau pensaernïol. Wedi'i drafod fel ffyrdd newydd a chreadigol o fodoli yn hytrach nag adlewyrchiadau gwyrgam o'r hunan, roedd patrymau o'r fath yn herio canfyddiadau deuol o ddiwylliannau a hegemonïau pensaernïol.

Mae'r berthynas rhwng arwahanrwydd a disgyblaeth pensaernïaeth, fodd bynnag, yn llawer mwy cymhleth a pharhaus. Gan roi trwydded i ddiffiniadau lluosog o'r canonaidd a'r priodol, mae pensaernïaeth wedi'i beirniadu am ei diddordeb parhaus mewn gorchmynion diwylliannol, esthetig a mathemategol. Drwy ei hymarfer, ei theori a'i chyfryngau, fodd bynnag, mae pensaernïaeth wedi cadarnhau, herio ac ailddyfeisio'r gorchmynion hyn, gan ddiffinio a chwestiynu’r normadol ar yr un pryd.

I'r perwyl hwn, dadleuwn y gall holi hanesyddiaethau, daearyddiaethau, cymdeithasegau, a seicolegau pensaernïaeth ddangos hydrinedd a gallu’r ddisgyblaeth i gynnig llwybr, cysgod, neu gywiro’r hyn a ystyriwyd fel 'arall' yn flaenorol.

Sefydlwyd y gymuned ymchwil Pensaernïaeth Arwahanrwydd i astudio arwahanrwydd fel arfer gofodol, tacteg drefol, eiconograffeg, cyflwr hylifedd, troseddiad yn erbyn gorchmynion cymdeithasol, diwylliannol a hanesyddol ac ati.

Er mwyn ysgogi trafodaeth bellach a rhannu rhagor o wybodaeth, mae’r Gymuned yn cynnal Symposiwm ac yn sefydlu Ystorfa Ddigidol i gefnogi’r gwaith o archwilio pensaernïaeth hanesyddol a chyfoes o arwahanrwydd yn rhyngddisgyblaethol ac yn cychwyn trafodaethau ar sut y gall dyluniad herio trefn ddiwylliannol a chefnogi anheddau mwy amrywiol a chynhwysol o’r gorffennol i’r presennol.

Ystorfa ar-lein

Ein nod yw sefydlu ystorfa ar-lein a rhad ac am ddim o gyfeiriadau clywedol, gweledol a chwmpasog perthnasol a all gefnogi ymgysylltiad academyddion, dylunwyr ac addysgwyr yn well â phrosiectau arwahanrwydd yn yr amgylchedd adeiledig.

Bydd gwybodaeth a meini prawf ar gyfer cyflwyno cynnwys i'r ystorfa hon ar gael ar ôl y symposiwm.

Cydweithwyr sy'n rhan o'r prosiect

Digwyddiadau yn y gorffennol

Bydd Ysgol Pensaernïaeth Cymru yn cynnal digwyddiad arbennig yn ystod Wythnos Dathlu Niwroamrywiaeth 2024 (18 - 24 Mawrth) er mwyn cynyddu ymwybyddiaeth y staff a'r myfyrwyr o niwroamrywiaeth, megis Awtistiaeth, Anhwylder diffyg canolbwyntio a gorfywiogrwydd (ADHD), dyslecsia, dyspracsia, cyflyrau eraill ac yn gyffredinol, materion sy'n ymwneud â ‘galluoedd gwahanol’. Ymhlith y rhain y mae, beth yw’r rhain, sut maen nhw'n effeithio ar gydweithwyr ac aelodau eraill o'r staff, a sut y gall ac y dylai ein cyd-destunau gwaith, cymdeithasol a gofodol, a gafodd eu creu gan boblogaeth niwro-nodweddiadol, addasu eu hunain i gynnwys pobl niwroamrywiol.

Bydd y digwyddiad yn cael ei gynnal wyneb yn wyneb ar 19 Mawrth 2024 yn Ysgol Pensaernïaeth Cymru. Bydd y diwrnod yn cael ei rannu'n ddwy - dwy sgwrs westai yn y bore a gweithdy i archwilio niwroamrywiaeth a phensaernïaeth yn y prynhawn. Mae cofrestru ymlaen llaw gan ddefnyddio'r ffurflen hon yn orfodol ar gyfer cymryd rhan yn y gweithdy.

Sylwch y gall trefnwyr y digwyddiad dynnu lluniau a/neu fideos yn ystod y digwyddiad am resymau hyrwyddo.

Adeilad Bute 0.52/54

10:00 Dechrau
10:10 Catherine Jones (Canolfan Ymchwil Awtistiaeth Cymru, Prifysgol Caerdydd
11:10 Helen Kane (Access Included consultancy)

13:00 Gweithdy
15:00 Diwedd

Mae'r digwyddiad yn deillio o Bensaernïaeth Arwahanrwydd GW4. Diolch yn arbennig hefyd i Bwyllgor EDI WSA ac i Dimitra a Mhairi am eu cefnogaeth.

Trefnwyr Menatalla Kasem, Michael Corr, Lui (Radium) Tam, Tahl Kaminer, Pensaernïaeth Arwahanrwydd GW4