Y Ganolfan Cadwraeth Adeiladau Cynaliadwy

Mae ein hymchwil yn mynd i'r afael â heriau o bwys yng nghyd-destun gofal treftadaeth adeiledig yn y dyfodol, a hynny o ran newid yn yr hinsawdd, cynaliadwyedd cymdeithasol ac amgylcheddol.

Gan gadw blaenoriaethau strategol mewn golwg, rydym yn gweithio ar draws disgyblaethau i ddatblygu arbenigedd byd-eang, boed gwneud cofnod o dreftadaeth sydd wedi ennyn anghytuno mawr, neu ddadansoddi cylch bywyd a monitro amgylcheddol.

Rydym yn cydweithio’n genedlaethol ac yn rhyngwladol, gan gefnogi perthnasoedd effeithiol a symbiotig â phartneriaid megis Historic England, Amgylchedd Hanesyddol yr Alban, Cadw, Comisiwn Brenhinol Henebion Cymru, Cymdeithas Technoleg Gadwraeth, sefydliad treftadaeth DRONAH, Sefydliad Siartredig yr Atwrneiod Patent (CIPA), a’n partneriaid academaidd, sef: SPA Bhopal, Coleg y Brifysgol Dulyn, SOAS, Prifysgol Illinois Urbana-Champaign, Politecnico di Milano.

Prosiectau

Trefi Temlau Tamil: Cadwraeth a Chynnen

Nod y prosiect yw darparu corff ymchwil awdurdodol i gyfeirio canllawiau cynhwysol a chynaliadwy ar gyfer cadwraeth a rheolaeth treftadaeth yn y dinasoedd temlau.

Diogelu ein treftadaeth adeiledig a’n casgliadau

Prifysgol Caerdydd yn arwain un o 31 o brosiectau sy’n elwa o hwb gwerth £37 miliwn ar gyfer y gwyddorau cadwraeth a threftadaeth

Cynnal a chadw cydberthynol, effeithlonrwydd ynni a thlodi tanwydd ar gyfer adeiladau traddodiadol yn y DU

Mae'r astudiaeth yn chwilio am lwybrau i ddangos y gallai gwaith cynnal a chadw gwell ar adeiladau traddodiadol leihau costau ynni yng nghyd-destun newid hinsawdd.

Dinas Hanesyddol Ajmer-Pushkar: mapio haenau o hanes, defnydd ac ystyr ar gyfer cynllunio a chadwraeth gynaliadwy

Astudiaeth a gynhelir yn ninas gaerog Ajmer, Rajasthan, ac yn y dref gyfagos, sef Pushkar, i ddatblygu penderfyniadau mwy cynhwysol, gwybodus, a chynaliadwy o ran cynllunio mannau cyhoeddus yn ninasoedd hanesyddol yn India.

Cyfnod Silff (Shelf-Life): Ailddychmygu dyfodol Llyfrgelloedd Cyhoeddus Carnegie

Mae Silff-Life yn gofyn a allai’r broses o gaffael dros 2600 o adeiladau cyhoeddus ledled Prydain ac America a reolir yn unigryw tua 100 mlynedd yn ôl gan Raglen Llyfrgell Carnegie elwa ar rywfaint o feddwl systematig ar gyfer eu hailfywiogi ar adeg o argyfwng.

small white timber-framed house behind a wall

Monitro Hygrothermol Paneli Mewnlenwi Amnewid Fframiau Pren 

Diben y prosiect hwn oedd asesu’r risg o anwedd interstitaidd a chynnwys lleithder uwch mewn paneli mewnlenwi amnewid ar gyfer adeiladau hanesyddol â fframiau pren.

Terrestrial Laser Scan of Port Eynon, April 2021

Harbourview

Codi ymwybyddiaeth o bwysigrwydd porthladdoedd fel treftadaeth arfordirol.

Ymgynghoriaeth a ariennir yn allanol

Teitl	Asiantaeth/partneriaid cyllido	Dyddiad	Gwerth
Ymgynghoriaeth Cadwraeth Adeiladau Cynaliadwy (Yr Athro Oriel Prizeman): Amgueddfa Lechi Cymru.	Canolfan Dreftadaeth y Byd UNESCO	2022	£6,675
Gwasanaethau ymgynghori i Historic England mewn perthynas ag effeithlonrwydd ynni a lleihau allyriadau nwyon tŷ gwydr mewn cysylltiad ag addasu a lliniaru yn dilyn newid yn yr hinsawdd (Dr Chris Whitman).	Historic England	2020–21	£13,522
Laser Scan Elements of Caerphilly Castle	Taliesin Construction	2014–15	£5,384
Grantiau Cynghorwyr arbenigol ar gyfer Addoldai Cymru (Yr Athro Oriel Prizeman).	Cronfa Treftadaeth y Loteri Genedlaethol	2013–14	£5,564