Sioe Ysgol Pensaernïaeth Cymru 2025

Bydd Sioe Haf Ysgol Pensaernïaeth Cymru 2025 yn agor ddydd Gwener, 20 Mehefin 2025 am 6pm.

Mae ein sioe flynyddol, dan arweiniad myfyrwyr, yn ymdrech ar y cyd gan bob grŵp blwyddyn, cwrs a stiwdio dylunio yn Ysgol Pensaernïaeth Cymru.

Mae'r sioe eleni, sy'n dwyn y teitl (dat)blygu, yn ystyried y ffaith nad wedi’i adeiladu’n unig y mae pensaernïaeth — yn hytrach, mae'n cael ei agor, haen wrth haen, syniad wrth syniad, profiad wrth brofiad.

Trwy ddetholiad wedi’i guradu o ddarluniau, delweddau, modelau, mapiau, diagramau, posteri, ffilmiau, arteffactau, a mwy, bydd ein myfyrwyr yn arddangos y cysylltiad deinamig rhwng traddodiad, arloesedd, darganfyddiadau a phrofiad dynol sydd wedi dylanwadu ar fodolaeth a datblygiad gwaith dylunio ac ymchwil ym mlwyddyn academaidd 2024-25.

Bydd rhagor o fanylion am docynnau yn cael eu rhannu yn fuan. Edrychwn ymlaen at eich croesawu chi!

Archwilio rhaglen 2024

Gyda’r teitl ‘Cyfnod o Drawsnewid’, dangosodd y myfyrwyr rai o'r ffyrdd y mae newidiadau o bwys sy’n effeithio ar y gymdeithas heddiw - boed yn heriau i hawliau dynol neu’n newidiadau yn yr hinsawdd - yn rhan o’u prosiectau ac yn llunio eu syniadau, eu cynigion a'u gweledigaeth ar gyfer byd dylunio.