MA Dylunio Pensaernïol

Mae’r MA Dylunio Pensaernïol ar gyfer myfyrwyr sy’n chwilio am gwrs ôl-raddedig cyfoethog, uwch a difyr sy’n canolbwyntio ar yr agweddau lluosog ar ddylunio ac ymchwilio a’r gwahanol gysylltiadau rhwng y meysydd hyn.

Drwy wneud cwrs MA Dylunio Pensaernïol, bydd myfyrwyr yn datblygu’r sgiliau sydd eu hangen i ddod yn feddylwyr ac yn ymarferwyr dylunio-ymchwilio soffistigedig, a fydd yn eu galluogi i ddefnyddio eu gwybodaeth sy’n seiliedig ar ddylunio mewn amgylcheddau cymhleth.

Llawlyfr MA dylunio pensaernïol 2024

Mae Llawlyfr MA Dylunio Pensaernïol yn cael ei gyhoeddi'n flynyddol ar gyfer yr holl fyfyrwyr ôl-raddedig rhyngwladol, staff a chyfranwyr allanol. Mae'r llawlyfr yn ganllaw i bob agwedd ar raglen meistr MA Dylunio Pensaernïol, gan gynnwys strwythur y cwrs, y dulliau dysgu ac asesu, y modiwlau, yr unedau dylunio a’r cymorth sydd ar gael i fyfyrwyr.

Sut i wneud cais

I gael rhagor o wybodaeth am gynnwys, strwythur a ffioedd y cwrs, gan gynnwys sut i wneud cais, gweler ein tudalen sy’n rhoi gwybodaeth am gwrs MA Dylunio Pensaernïol.

Digwyddiadau allweddol

Dyddiadau	Amserlen
4 Tachwedd 2024	ART701 (Dylunio ac Ymchwilio Pensaernïol) Adolygiadau beirniadol dros dro’r hydref
9 Rhagfyr 2024	ART701 (Dylunio ac Ymchwilio Pensaernïol) Adolygiadau diwedd y tymor
11 Chwefror 2025	ART701 (Dylunio ac Ymchwilio Pensaernïol) Adolygiadau beirniadol dros dro’r gwanwyn
24 Mawrth 2025	ART701 (Dylunio ac Ymchwilio Pensaernïol) Adolygiadau terfynol
6 Mai 2025	ART701 Adolygiadau portffolio + cyflwyniad dyddiadur adlewyrchol
9 Mai 2025	ART701 (Dylunio ac Ymchwilio Pensaernïol) Adolygu portffolios
26 Mai 2025	ART704 (Traethawd Hir) Dechrau (myfyrwyr nad ydynt yn ailsefyll)
16 Mehefin 2025	ART704 (Traethawd Hir) (strwythur uned) Adolygiadau beirniadol dros dro
7 Gorffennaf 2025	ART704 (Traethawd Hir) (strwythur uned) Adolygiadau terfynol
28 Gorffennaf 2025	ART704 (Traethawd Hir) Adolygiadau dros dro o astudiaethau hunangyfeiriedig (myfyrwyr nad ydynt yn ailsefyll)
25 Awst 2025	ART704 (Traethawd Hir) Cyflwyno traethawd hir (myfyrwyr nad ydynt yn ailsefyll)
3 Hydref 2025	ART704 (Traethawd Hir) Arholiadau llafar (myfyrwyr nad ydynt yn ailsefyll)
13 Hydref 2025	ART704 (Traethawd Hir) Adolygiadau dros dro o astudiaethau hunangyfeiriedig (myfyrwyr o’r CE a’r rhai sy’n ailsefyll)
10 Tachwedd 2025	Dyddiad cau terfynol ar gyfer cyflwyno (myfyrwyr o’r CE a’r rhai sy’n ailsefyll)
19 Tachwedd 2025	ART704 (Traethawd Hir) Arholiadau llafar (myfyrwyr o’r CE a’r rhai sy’n ailsefyll)

Unedau dylunio

Byddwch yn gweithio mewn grwpiau bach o’r enw ‘unedau dylunio’ dan arweiniad Arweinydd Uned. Bydd yn diwtor profiadol ym maes dylunio ac ymchwilio pensaernïol. Mae’r unedau’n cynnwys:

Uned A:H>D_Lahore 2024 Pensaernïaeth a Threftadaeth Gyfoes ar gyfer Datblygiad Cymdeithasol-Economaidd
Uned B: EcoLoci (2022-2023)
Uned C: Amgylcheddau Dysgu – Labordy Dylunio Ymchwilio (Labordy LE-DR), Dr Hiral Patel (2022-2023)
Uned D: DYFROEDD TREFOL, CYRFF, CYSYLLTIADAU/DATGYSYLLTIADAU (2022-2023)

Ceir disgrifiadau llawn o’r unedau yn Llawlyfr MA Dylunio Pensaernïol.

Cefais flwyddyn llawn heriau ac agoriad llygad wrth astudio’r MA mewn Dylunio Pensaernïol. Nid yn unig enillais sgiliau helaeth ac ysbrydoledig mewn dylunio pensaernïol; Es i ati i archwilio’r potensial a’r heriau a’u hatebion cyfatebol, megis defnyddio ymyriadau cyfoes i adfywio dinasoedd treftadaeth a mynd i’r afael â chymhwysedd cyfoes. Trwy gydol fy astudiaethau arbrofais gydag amrywiaeth o ddulliau ymchwil, yn enwedig methodolegau a elwir yn "Ddadansoddiad Aml-haenog" a "Dylunio Pensaernïol sy'n Canolbwyntio ar Ymchwil." Gan adeiladu ar y dulliau hyn, cefais gyfle i wella dealltwriaeth o gyd-destunau trefol cymhleth trwy Ddylunio-Ymchwil Pensaernïol (AD-R) ac ysgrifennu traethodau hir. Mae’r flwyddyn astudio hon wedi tanio fy mrwdfrydedd am dreftadaeth ddiwylliannol drefol ac ardaloedd hanesyddol, gan ehangu cwmpas fy rhagolygon gyrfa ar yr un pryd.

Siyu Li, MA Dylunio Pensaernïol 2022-23