Ewch i’r prif gynnwys

Perfformiad

Ein nod yw archwilio a gwella effeithlonrwydd o ran ein defnydd o ddŵr ac ynni, ailgylchu, caffael gwyrdd, cynnal a chadw’r campws a bioamrywiaeth.

Defnydd ynni

Fe wnaethom ddefnyddio 2.5% yn llai o ynni yn 2019-20, o gymharu â 2018-19, i 113,636,891kWh.

Parhaodd yr allyriadau carbon a rhwydwaith a gyfrifwyd yn erbyn yr allyriadau grid cyfartalog i ostwng yn ystod y flwyddyn academaidd 2019-20 (27% yn is na 2005/06) ar ôl datgarboneiddio’r grid.

Cysylltu

I gael rhagor o wybodaeth, cysylltwch â ni:

Ymholiadau egni

Ymholiadau amgylcheddol

Caffael Cyfrifol

Mae’r Gwasanaethau Caffael wedi ymrwymo i gynorthwyo Prifysgol Caerdydd i ddatblygu dyfodol cynhwysol, cyfrifol a gwydn i’n cymuned a dod â manteision amgylcheddol, cymdeithasol a llywodraethiant (ESG) i Gaerdydd, Cymru a’r byd ehangach. Rydyn ni’n ymdrechu i wneud pob caffaeliad yn gyfrifol, gan gadw targedau lleihau allyriadau a gwerth cymdeithasol mewn cof.

Bydd yn rhaid i gwmnïau sy'n dymuno cynnig nwyddau, gwasanaethau neu waith i'r Brifysgol felly ddangos ymrwymiad i ESG.

Mae ein Polisi Caffael Cyfrifol a’n Côd Ymddygiad Cyflenwyr yn cydnabod bod caffael yn sbardun allweddol o ran sicrhau manteision ESG ehangach i’r ddinas, y rhanbarth a’r genedl, megis datgarboneiddio, masnach deg ac arferion llafur a chymorth i fusnesau a chymunedau lleol. Mae hyn yn cael ei adlewyrchu yn ein nodau i leihau allyriadau Cwmpas 3, gwella arferion llafur teg yn ein cadwyn gyflenwi, cadw at arfer gorau lle bo modd a chydymffurfio â rheoliadau a pholisïau.

Mae'r Polisi Caffael Cyfrifol a'r Côd Ymddygiad Cyflenwyr yn cyd-fynd â Nodau Llesiant Deddf Llesiant Cenedlaethau'r Dyfodol (Cymru) 2015 Llywodraeth Cymru a Nodau Datblygu Cynaliadwy’r Cenhedloedd Unedig. Mae'r Brifysgol hefyd wedi'i hardystio ac wedi ymrwymo i gynnal Safonau Rhyngwladol megis ISO 14001 ac ISO 45001. Mae'r rhain wedi'u cynllunio i sicrhau ystyriaethau moesegol wrth brynu nwyddau, gwasanaethau neu waith.

Rhyddhawyd y Polisi Caffael Cyfrifol ym mis Gorffennaf 2024, a rhyddhawyd y Côd Ymddygiad Cyflenwyr ym mis Ionawr 2025. Rydyn ni’n adolygu'r ddau bob blwyddyn ac yn cadw golwg rheolaidd arnyn nhw i sicrhau bod ein nodau'n gyraeddadwy ac yn uchelgeisiol. Gellir gweld y ddau yn yr adran Dogfennau Cysylltiedig o'r dudalen hon.

Cynllun i Gaffael Cyfrifol

Isod mae dyddiadau allweddol ein llwybr i gymryd cyfrifoldeb am ein gweithgareddau caffael:

  • Gorffennaf 2024: Polisi Caffael Cyfrifol
  • Ionawr 2025: Côd Ymddygiad Cyflenwyr
  • Mawrth 2025: Gwerthusiad Cyflenwr Strategol Cwmpas 3
  • Gorffennaf 2025: Hyfforddiant pellach – i gynnwys cleientiaid a chyflenwyr
  • Ebrill 2026: Recriwtio posibl
  • Ionawr 2027: Achrediadau

Gwobrau

Gwobr/enwebiadDyddiadManylion
Gwobrau Rhagoriaeth Meddalwedd ac European IT, 2017Mawrth 2017Dyfarnwyd i Ganolfan Ddata Uwchgyfrifiadur ARCCA Redwood, trwy ein darparwr Schneider Electric, gan weithio mewn partneriaeth â staff Schneider Electric (APC), Comtec Power, CoolTherm a Phrifysgol Caerdydd (ARCCA, Ystadau a TG Prifysgol) - am optimeiddio effeithlonrwydd gweithredol ac ynni y ganolfan ddata.
Gwobrau Prifysgol The Guardian - CynaladwyeddMawrth 2017Fe wnaeth ein prosiect sydd o les i wenyn ennill yng nghategori prosiect cynaladwyedd. Rydym yn cydweithio ag ysgolion lleol a phrosiectau gwyddoniaeth ar draws de Cymru er mwyn rhoi amgylchedd gwell i wenyn yn ogystal â cheisio datblygu gwrthfiotogau newydd sy’n seiliedig ar fêl.
Gwobr Arloesedd mewn CynaliadwyeddMehefin 2015Mae arbenigwyr o Ysgol Pensaernïaeth Cymru wedi dylunio tŷ clyfar sy’n cynhyrchu mwy o egni nag y mae'n ei ddefnyddio. Cafodd y prosiect hwn ei anrhydeddu yng Ngwobrau Arloesedd ac Effaith Caerdydd 2015
Nod Arlwyo Bwyd am Oes Cymdeithas y PriddHydref 2012Ni oedd y Brifysgol gyntaf yng Nghymru i gael ei chydnabod gan Gymdeithas y Pridd am ei hymrwymiad i ddarparu bwyd sydd wedi'i baratoi'n ffres, heb unrhyw ychwanegion dadleuol ac sy’n well er lles anifeiliaid.
Gwobrau BREEAM Cymru 2012Gorffennaf 2012Mae Adeilad newydd Hadyn Ellis sy'n cael ei adeiladu ym Mharc Maindy, wedi ennill gwobr bwysig am ei gynaliadwyedd.
ISO 14001/ Systemau Rheoli Amgylcheddol Ni oedd y Brifysgol gyntaf yng Nghymru i dderbyn ISO 14001 - safon a dderbynnir yn rhyngwladol fel arwydd o ymrwymiad sefydliad i leihau ei effaith amgylcheddol - a BS OHSAS 18001 sy'n cydnabod hyrwyddo amgylchedd gwaith diogel ac iach.
Enwebiad Gwobr Green GownAwst 2011Cafodd menter marchnata cymdeithasol arloesol oedd yn ceisio lleihau nifer yr achosion o danau glaswellt oedd yn cael eu cynnau’n fwriadol, ei rhoi ar y rhestr fer yn y categori Cyfrifoldeb Cymdeithasol. 
Gwobr y Frenhines am Wasanaeth GwirfoddolGorffennaf 2010Dyfarnwyd gwaith rhagorol yn y gymuned leol i Wirfoddolwyr Cadwraeth Caerdydd (CCV), grŵp a gyd-sefydlwyd gan John Newton, oedd yn arfer bod yn Gyfarwyddwr Cynorthwyol yn Is-adran Gyllid y Brifysgol. 
Gwobrau Green GownMehefin 2010Fe wnaeth menter o dan arweiniad myfyrwyr o Brifysgol Caerdydd, sy’n hyrwyddo bwyta ffrwythau a llysiau fforddiadwy o ffynonellau lleol, gipio’r wobr am Fentrau ac Ymgyrchoedd Myfyrwyr.
Safon yr Ymddiriedolaeth CarbonMai 2010Ni oedd y Brifysgol gyntaf yng Nghymru i gyrraedd Safon yr Ymddiriedolaeth Carbon, sy’n farc rhagoriaeth cenedlaethol. Roedd hyn i gydnabod ei gwaith a'i chanlyniadau a'i ymrwymiad parhaus i leihau ei hallyriadau carbon.