Ymgysylltu â'r cyhoedd mewn addysgu a dysgu

Mae cynnwys ymgysylltu â'r cyhoedd yn ein profiad myfyrwyr yn rhan bwysig a gwerth chweil o'n gwaith.

Drwy ymgorffori theori ymgysylltu cyhoeddus arloesol, ymarfer a phrofiad myfyrwyr yn ein haddysgu israddedig ac ôl-raddedig, rydym yn tynnu sylw at y gwerth wrth gymhwyso gwybodaeth academaidd i heriau "byd go iawn," gan weithio ar y cyd â'n cymunedau amrywiol i fynd i'r afael â'r materion sy'n bwysig iddynt.

Mae'r profiad uniongyrchol hwn yn cryfhau dysgu a dealltwriaeth myfyrwyr, ac yn annog budd a pharch at fyfyrwyr a'r cyhoedd. Mae gweithio fel hyn yn adeiladu ar ddatblygiad personol ein myfyrwyr ac yn gwella eu cyflogadwyedd a'u datblygiad gyrfaol.

Ar gyfer dyfodol Addysg Uwch, mae'n hanfodol bwysig ein bod yn parhau i fod yn hygyrch, yn berthnasol ac yn ymrwymedig i ymgysylltu â'r cyhoedd.

Rydym yn adeiladu ar ddyfodol ymgysylltu â'r cyhoedd drwy gefnogi ein cydweithwyr a'n myfyrwyr yn weithredol trwy rannu arferion gorau mewn ymchwil ymgysylltiedig ac ysbrydoli eraill i'w gwreiddio yn eu gwaith a'u haddysgu er budd pawb.