Mr David Selway

Mae David yn Gyfarwyddwr Anweithredol profiadol ag arbenigedd ym meysydd gwaith digidol a TG, strategaeth busnes a thrawsnewid busnes ar ôl sicrhau statws siartredig mewn dau faes ar wahân (TG/Digidol a Marchnata).

Mae wedi gweithio mewn amrywiaeth o sectorau, gan gynnwys y sector awyrofod ac amddiffyn, y sector morol, y sector cynhyrchu pŵer a’r sector seilwaith. Cyn dod yn Gyfarwyddwr Anweithredol, bu’n arwain uned fusnes digidol Rolls-Royce.

Ar ddechrau ei yrfa, bu'n gweithio gyda Ferranti a GEC-Marconi yn dylunio ac yn cyflwyno datrysiadau TG cymhleth.  Ymunodd â Rolls-Royce yn 2002, ac yn fuan ar ôl hynny, arweiniodd raglen trawsnewid digidol fawr a hwylusodd dwf sylweddol ym musnes awyrofod sifil Rolls-Royce. Cyflawnodd David nifer o uwch swyddi gweithredol yn Rolls-Royce, a bu’n rhan o dîm arweinyddiaeth R2 Data Labs a arweiniodd y gwaith o wthio strategaeth ddigidol Rolls-Royce yn ei blaen.

Ar ôl iddo ymddeol yn 2019, mae David wedi dilyn gyrfa bortffolio. Bu’n ymgynghorydd rheoli gydag Amey am 3 blynedd yn ymgynghori ar raglenni trawsnewid mawr. Ar hyn o bryd, mae'n aelod bwrdd annibynnol Iechyd a Gofal Digidol Cymru (DHCW) a Thai Cymunedol Bron Afon. Mae’n cadeirio’r Pwyllgor Cyflawni Rhaglenni DHCW, yn is-gadeirydd eu pwyllgor Llywodraethu a Diogelwch Digidol ac mae wedi cadeirio rhwydwaith digidol aelodau annibynnol GIG Cymru gyfan. Mae'n gadeirydd Pwyllgor Gwasanaeth a Pherfformiad Bron Afon ac yn aelod o'u pwyllgor sicrwydd.