Jeremy Lewis

Ymunodd Jeremy Lewis â gwasanaeth TG y Brifysgol ym mis Hydref 2012 fel rheolwr rhaglen i arwain y mudo o systemau TG etifeddol i Office 365 ar gyfer yr holl staff a myfyrwyr.  Roedd hyn yn golygu mudo dros 35,000 o fyfyrwyr a staff i'r dechnoleg newydd dros gyfnod o chwe mis.

Rhwng 2014 a 2020, sefydlodd ac arweiniodd Jeremy raglen i wella'r amgylchedd dysgu ffisegol i fyfyrwyr drwy adnewyddu bron i 300 o fannau addysgu.  Roedd hyn yn dwyn ynghyd anghenion academaidd, ystadau a gofynion TG mewn un strategaeth i sicrhau gwelliant sylweddol yn ansawdd y ddarpariaeth o fannau addysgu.

Gyda phandemig Covid 2020 yn gorfodi gweithio gartref i'r rhan fwyaf o staff, creodd ac arweiniodd Jeremy y rhaglen Ffyrdd Gwell o Weithio a alluogodd gyflwyno gweithio cyfunol a rhesymoli gofod swyddfa yn y rhan fwyaf o'r Gwasanaethau Proffesiynol.  Ar hyn o bryd mae'n arwain y gwaith o ddatblygu'r Model Gweithredu Targed ar gyfer Gwasanaethau Proffesiynol.

Ar ôl graddio ym 1990 o Brifysgol Abertawe gyda gradd mewn Peirianneg Drydanol ac Electronig, symudodd Jeremy i faes dylunio TG a rheoli prosiectau.  Wedi hynny bu'n gweithio mewn pymtheg sefydliad cyn iddo ddod i Brifysgol Caerdydd, mewn sectorau megis: cyfleustodau, llywodraeth leol, cyhoeddi a gwasanaethau ariannol.

Mae gan Jeremy ddiddordeb brwd mewn llywodraethu, ac mae hefyd yn aelod o fyrddau: Maint Cymru, a Mind ym Mro Morgannwg. Cyn hynny bu'n llywodraethwr mewn dwy ysgol ac yn aelod o fwrdd sefydliad celfyddydol.

Mae Jeremy wedi bod yn aelod o Gyngor y Brifysgol ers mis Awst 2022.