Agnes Xavier-Phillips JP DL

Cyfreithiwr cymwysedig yw Agnes Xavier-Phillips. Astudiodd y gyfraith ym Mhrifysgol Caerdydd ac fe wnaeth hi
sefyll ei harholiadau Cymdeithas y Gyfraith yng Ngholeg y Gyfraith Guildford.

Ar ôl gweithio mewn practis preifat, symudodd i fod yn gyfreithiwr mewnol ac mae wedi gweithio i Fanc NatWest
Abbey National ac yn olaf GE Capital o ganlyniad i brosesau uno a chaffael.

Hi yw cyn-Gwnsler Cyffredinol a Rheolwr Cysylltiadau â Chleientiaid GE Capital. Mae hefyd yn un o Gyfryngwyr Achrededig y Ganolfan ar gyfer Datrys Anghydfodau’n Effeithiol. Hi oedd Arweinydd Hwb Rhwydwaith Menywod GE. Hi gynrychiolodd y Diwydiant Gwasanaethau Ariannol ar Weithgor Mynediad at Gyfiawnderar Ddiwygiadau Woolf a chymerodd ran yn rhaglen faerol y cyn Arglwydd Faer
Dinas Llundain, y Fonesig Fiona Woolf, ar Amrywiaeth a Symudedd Cymdeithasol. Hi oedd cynrychiolydd GE ar Bwyllgor Cyfreithiol CyngorBenthycwyr Morgeisi a hi  oedd Sylfaenydd Cadeirydd y Fforwm Ymgyfreitha Cyllid a Phrydlesu.

Mae hi'n Rhyddfreiniwr Dinas Llundain ac yn Lifrai i Gyfreithwyr Dinas Llundain Cyflafareddwyr Dinas Llundain a Chwmni Lifrai Cymru. Hi yw Meistr a Chadeirydd presennol y Pwyllgor Cysylltiadau Cyhoeddus, mae’n aelod o Bwyllgorau Gwobrau, Aelodaeth, a Digwyddiadau Elusennol ac yn fentor yng Nghwmni Lifrai Cymru. Rhoddodd y gorau i gyflogaeth amser llawn, ac mae ganddi yrfa bortffolio erbyn hyn.

Mae hi'n Aelod o Bwyllgor y Cyngor, Archwilio a Risg, Diswyddiadau a Chymrodoriaethau Prifysgol Caerdydd. Mae hi hefyd yn Aelod o fwrdd Dŵr Cymru, yn Aelod Is-lywydd o Glwb Busnes Caerdydd, Ymddiriedolwr Undeb Myfyrwyr Prifysgol Caerdydd ac Ymddiriedolwr Ymddiriedolaeth Elusennol Cwmni Anrhydeddus Lifrai Cymru.

Ym mis Ebrill 2018, penodwyd Agnes yn Ynad Heddwch (JP) yng Nghymru. Ym mis Hydref 2019 fe’i penodwyd yn Ddirprwy Arglwydd Raglaw Gwent.