Dr Siân Rees

Mae Dr Siân Rees yn ymgynghorydd addysg a newid gyda dros 13 mlynedd o brofiad ym maes addysg uwch.

Cyn hynny, bu’n Ddeon Cyswllt ar gyfer Menter ac Arloesi yn Ysgol Rheolaeth Caerdydd ac yn Bennaeth Ysgol Busnes Casnewydd. Roedd yn aelod o Banel Meincnodi’r Asiantaeth Sicrhau Ansawdd ar gyfer Busnes a Rheolaeth. Cyn symud i fyd Addysg Uwch, cafodd dros 25 mlynedd o brofiad eang yn y diwydiant. Roedd hyn yn cynnwys rolau mewn addysg a hyfforddiant allweddol, gwerthu, ac uwch-reoli TG ar lefel y DU ac Ewrop ar gyfer amrywiaeth o gwmnïau TG a gwasanaethau ariannol rhyngwladol, gan gynnwys Banc Barclays ac Oracle.

Yn ogystal â'i rolau gweithredol, mae Siân wedi magu profiad sylweddol yn gyfarwyddwr anweithredol ac ymddiriedolwr. Mae’r rhain yn cynnwys rolau yn Glas Cymru, Girlguiding Cymru, Sefydliad y Cyfarwyddwyr, Cymru, Sefydliad Siartredig Rheoli, Cymdeithas Siartredig Ysgolion Busnes (Siarter y Busnesau Bach), United World Colleges a Chyhoeddiadau Seren.

Mae Siân yn Is-lywydd Clwb Busnes Caerdydd, yn Rheolwr Siartredig, yn Gymrawd o'r Academi Arweinyddiaeth ar gyfer AU ac yn Addysgwr Rheolaeth a Busnes Ardystiedig.

Mae gan Siân radd dosbarth cyntaf mewn Saesneg, MBA gyda rhagoriaeth, tystysgrif ôl-raddedig mewn addysg a llawer o dystysgrifau proffesiynol mewn cyfrifiadura, technoleg a datblygu sgiliau proffesiynol. Dyfarnwyd doethuriaeth iddi oedd yn canolbwyntio ar ddatblygiad 'Prifysgolion Entrepreneuraidd'.